請問初生bb用品要d咩...要幾多呢?

以下係我既建議﹕12月頭生最緊要係買定保暖衣物，因為初生bb未識有自己既體溫，所以有保暖既衣物係最重要！而且買左番黎要洗乾淨先著得，所以要預早買。

和尚袍 (6-10件)
當底衫既和尚袍係著係最入面，最貼BB皮膚，所以一定要純棉同埋要日日換。如果你怕乾唔切既，最好就預多兩三件

連身衣/夾衣 (6-10件)
當面衫著。若果BB嘔奶，呢件衫會第一個中招，所以要預多幾件。若果唔買連身衣/夾衣，可以分開買上衫同褲。兩者都有好有唔好，連身衣要換既話就要成件除，手腳慢D都好易冷親。分開衫褲既話，對於初生BB著起上黎就比較難，因為佢地個身軟軟，個人同件衫褲都咁細，著起上黎比較難，睇你自己點選擇喇

羊毛內衣 (3-4件)
一般羊毛內衣係著係中間，以防羊毛拮肉或者引起敏感，而且著係中間會暖好多。因為著係中間，唔需要成日洗，況且真正既羊毛內衣洗得多會冇咁保暖既。所以唔需要太多，但為免BB嘔奶時都會整污糟，最好有三至四件。

背心 (2-3件)
背心外套係有需要既，不論厚簿都最好有兩三件。因為有時天氣凍出街，室外凍要著多件外套，但入到室內著住外套會熱，除左又會凍，有背心就岩岩好喇。
另外，羊毛內衣都會有背心款，可以既話買一兩件，亦都係因為有時唔需要著長袖，著背心可以遮到膊頭同個肚，唔怕冷親。凍得緊要可以著完長袖再著件背心，會暖好多好多，而且又唔會著到個bb咁擁腫

包被 (2厚 + 2薄)
其實對於初生BB黎講，有包被都可以唔使背心外套 (但過左一個月之後，包被用唔到黎包BB，就要外套喇) 厚簿之分，都係因應天氣、室內外溫度既轉變。基本上各有兩件都已經足夠，不過有時突然一日嘔兩三次奶，呢D意外真係避免唔到，所以可以既話就預多一件。再唔係買定D大毛巾，必要時當包被用都得

其他
天氣咁凍，你最好要預埋帽同襪，而且條頸都好重要，條頸同對腳暖D，好過著多件衫架！

BB用品
食﹕8OZ奶樽(6-8個)、奶粉 (最好入院時問醫院用邊隻，搵人買定)、奶樽清潔用品 (刷及清潔劑)、奶樽消毒機、紗巾(1打) (餵奶用)

如果你諗住餵人奶既，呢d用品可以當係後備，份量減半。

住﹕bb床、床上用品、浴盆、沖涼液、尿片*、濕紙巾(見到平而又有位置放既買多D都唔怕，因為最少用到一歲)、潤膚cream、棉花球(洗面-1包)、棉花棒 (洗肚臍-1包)

*尿片唔好買太多初生，而且要預備一包細碼。因為有d bb發展得快，或者體型較大，衫生片好快就唔岩用架喇

驚住天氣凍，可以買暖風機。特別係bb沖涼時，開左暖風機，唔會咁易冷親bb

行﹕bb車、揹帶

初生bb出街要好小心，不論用揹帶或者bb車都好，bb未控制到自己，所以最好都係手抱

入院用品 (走佬袋) 其實入間間醫院都差唔多架姐...

準備用品 - 大人﹕ 梳洗用品 - 洗面毛巾，刷牙用品，梳個人用品 - 產婦衛生巾２－３包，紙巾(盒裝比較方便)，乳墊(通常生完三四日先上奶，係醫院又唔會住好耐，要帶既話１０片都夠晒) ，清洗傷口器皿(我用d細個既礦泉水樽，入定d凍滾水，一樽分兩至三次用，去完廁所之後用黎沖洗傷口，分便、簡單又環保，唔使特登買個清洗器皿)衣物 - 外套，帽(驚個頭入風)，拖鞋，內衣，內褲/網褲２－３件，睡衣/便服 (政府醫院就唔使)，出院衫褲一套其他 – 相機、電話叉電器，保暖杯、水泡仔(產後坐) 準備用品 - BB﹕尿片１－２包，濕紙巾１－２包，BB出院衣服(和尚袍/包被)

除左隨身帶住身分證之外，記住放定D錢係銀包/走佬袋，萬一有咩事要入醫院果時，身邊又冇人係到，都可以即刻坐的士去醫院另外因為好多用品 (尤其係BB出世後先用得著既用品) 係入院時根本用唔著。亦有好多人唔想係入院時咁"論盡"，所以好多人就會分開兩袋一袋就係入院時既用品，例如係日常用品/必需品 。另一袋就係BB出世後既用品，例如係洗傷口既用具、BB既用品等等，呢一袋野，就算BB出世之後叫屋企人拎去醫院都得。政府醫院未到探病時間，姑娘都會幫你拎入病房既。再唔係問姑娘、隔離病床都借得到。至於媽媽同BB既出院衣服，可以係臨出院前叫屋企人幫你拎去醫院都未遲 ，咁嚴格黎講即係分三袋！

初生bb其實可以唔用枕頭,但要床褥,奶瓶可以睇你餵唔餵人奶啦,如果唔餵6-8個都ook啦,紗布手帕 半打都ok係餵奶時用,同埋初生bb係用二合一洗髮沐浴露,放在水裡,不用過水,棉花棒幫bb清潔肚臍,用清水便可以,而你入院時一般日常用品就唔洗講啦,最緊要係bb尿片同埋產婦衛生巾,因為醫院無提供

床褥枕頭一定要有, 尿片一大包, 奶瓶你可以去jusco買一套個d﹐一套有6個奶瓶﹐一個擦﹐一瓶洗液同一隻夾, 如果用人奶喂就買定個人奶泵, 紗布手帕買一套6條, 大毛巾兩條for沖涼之後包裹, 沖涼盤, bb用既沖涼液及洗頭水, bb車, 出街用的被撈, 濕紙巾。由於你預產期係12月, 冬天衣物一定唔少得, 其他到時先至買都唔遲既 入院所需用品你要準備﹕紙巾﹐初生bb尿片﹐大毛巾。產婦用的衛生巾(非黏貼)﹐網褲2條﹐杯﹐拖鞋﹐面巾﹐牙刷﹐牙膏等日用品。濕紙巾﹐bb羊毛內衣