想養波子魚~~

你好啦~=)

其實波子呢個品種既魚係好適合新手養架。

我養左5年魚,我第一種魚就係白色既波子,你只要有落魚糧,有定期換水,有足夠既氧氣,就絕對可以養落去,呢種魚生命力比較強,好適合初學者,如果想養其他易養既魚,有呢d例如:黑摩利,米奇,紅劍等等,都係比較易養既品種。
波子常見既有白色,黑色,橙色...另外有d係混合色既,係會跟親代既顏色而變,好似有黑白色,橙白黑色。

波子可以養一條架。

但無論你養咩魚都好(除左打魚同清道夫呢d類別),最好都係養2條以上啦,魚都係會寂寞架嘛,養一條同養兩條其實無太大分別,而且養兩條又可以開枝散葉,何樂而不為呢？雖然係咁講,但只養一條都係絕對無問題架。

波子如果你係旺角金魚街賣,最平$10已經有4,5條。
如果有自己一條一條揀個種呢,就會賣得貴d,大約$12~$15一條。
其實買d一袋袋既魚係無問題架,我第一次買波子就係係街市個d魚鋪,$10四條自己揀,但係好易養,我買既第一條魚(白波子)就養左3年半,所以唔擔心難養。

如果你唔近金魚街既話,你係是但一間賣魚既舖頭都可以搵到波子既蹤影,因為呢種係一黎好常見又易養既魚~

希望幫到你喇~(:

除左波子魚,合新手試養既魚都好多:
- 紅蓮燈
- 米奇魚
- 紅滿(紅蘋果)
- 摩利魚
- 金魚

難唔難養係錯既概念,因為養魚著重既係你既設備、照顧,
而唔係條魚易養難養,你比到足夠器材去養,
有放心機、時間、耐性去照顧,日常打理得好,條魚係可以養到佢本身應有壽命,
甚至可以更長~
只可以話波子魚對水質要求唔算高,
但係養得魚就要比佢一個五星級的家,要對條魚負責任!!

養一條、兩條,全由閣下自行決定,其實養幾多條都得,
養魚要養一對只係老一輩既思想,例如話拜神你都唔會只買一隻橙,
亦有d又話要睇下風水,話養單數三、五、七之類....
其實只係睇你個人喜好,養既人始終係你,唔係風水佬,唔係你母親,對吧?

買魚最好出金魚街,魚種、價錢都有大量選擇,
甚至你出到去可能放棄考慮波子魚,改養其他魚tim,
波子魚約$20/4條,單一條買既就極少見,同時一定係貴過你一袋袋買,
金魚街可以搭地鐵到太子地鐵站,B2出口,上左地面直行至第一個燈位(斑馬線)
然後轉左行至前方油站再穿過油站去對面「通菜街」~

波子魚非常適合新手養,真係超易養,好難有病,波子魚大約分為三種,金色,銀色,黑色,你喜歡什麽色就買什麽色,養一條是可以的,如果你養一對就要小心,如果2條公的話,必定打死1條,如果2條姆也是相同命運,所以一定要1條公1條姆一齊養才不會打交,點樣分公姆,好簡單,公的話腹底會見到一條生殖器,好明顯,好似男人甘,而姆的話腹底會見到一片小小魚旗,就係甘簡單,大約5-8蚊左右,旺角金魚街有得賣,如果你想生bb就揀d姆係超級大肚,再買一個散仔缸就可以,散仔缸大約15-20蚊左右,希望你養波子魚成功。