有關荷蘭航空及法國航空

法航同荷航其實同屬一個集團, 你可以當佢地係一家人, 基本上完全冇分別, 甚至某些當地既內陸航班可以共用.

設備方面, Air France 同 KLM 都有椅背電視, 可能我好彩啦, 搭兩次都有. 不過就唔好諗有香港電影睇啦. 相比起香港 / 亞洲既航空公司, 歐洲航空公司既服務當然係冇咁好啦. 餐點設計比較西化, 未必適合香港人口味. 但歐洲航空公司好處係通常係包一程內陸接駁, 如果你需要去二線城市, 咁樣係一定比其他航空公司優勝.

安全度... 基本上坐上飛機, 條命就唔係你手. 所以我從來唔會考慮. 早 2 年法航係大西洋爆炸, 咁樣你會唔會覺得有影響 ?? 國泰都曾經出事啦. 會改進架嘛.

但如果你身形較胖, 就有另一個問題. 因此法航 / 荷航既地勤依家會係 CHEC大N 時睇下乘客既身形, 如果覺得佢會妨礙到另一乘客 (當然, 佢本身都需要幾肥下, 但航空公司好似冇咩客觀標準話幾重幾肥), 就會 DOUBLE 佢既票價, 一係你就比錢, 一係就冇得上機... 所以部份旅行社都罷賣法航 / 荷航機票... 咁你自己考慮一下啦.

法航貴過荷航呀!
但服務就兩間都差唔多..不過荷航多數冇tv, 我上次去歐洲坐荷航, 上到機先知冇tv, 十幾個鐘悶到發傻, 發誓第日一定唔會貪平坐冇tv的航機去歐洲! ^.^ 雖然法航d 電影都麻麻地..不過總好過冇啦....