出口船運的問題

1. a跟fowarder一直有生意來往, 如果a沒提單可否叫fowader先放貨, 如果fowader放貨是否犯法
Ans : 唔可以 !! 如果forwarder o係無收到正本 b/l 或銀行擔保放貨信既情況下, 而私自放貨俾A的話, 就係犯法啦 !
而咩係銀行擔保放貨信呢 ? 即係A 可能未及時收到銀行放正本單俾佢做提貨時, 而佢又急於要提貨, 咁A 就可以簽一份銀行文件 叫"擔保放貨信" A填好所有內容, 簽名後, 要交返俾BANK, 証明A 願意擔保一定會找數先, 跟住BANK 就會俾經理批核, 確認無問題後, 就會o係提貨擔保及提單copy 後蓋上正本銀行印 & 簽名. 呢張copy b/l (蓋有正本銀行擔保蓋章及簽名) 就可以代替住正本提單去提貨啦 !!

2. a取貨後 可以不放l/c款項嗎, 如果這樣a犯法嗎? 對a有什麼影響?
Ans : 唔可以 ! 正如上面咁講啦 ! A 一係要找晒數先會收到銀行放單俾佢, 另一方法係做擔保放貨, 雖然係未有正本提單而提貨, 但佢已經簽咗確認信俾銀行應承一定會找數, 所以佢一定無得走數.
仲有要一提既係, 如果你份單萬一有無符點的話, 其實佢都一樣要確認找數後, 先可以攞到正本提單去提貨架 ! 3. L/C at sight的consignee 是否to bank最安全?a如果要取貨就一定要先付款?
Ans : 其實L/C AT SIGHT 既CNEE 無論TO BANK 或TO 俾買家都係一樣, 買家係要付款俾BANK, 屬單後先可以取得正本提單的.
但分別o係邊呢 ? 其實分別反而o係你地賣家度, 有d 賣家想先套現金, 故此好多時都會叫自己bank 做買單, 即係bank 先俾錢你, 然後貨權去咗bank 度, 跟住佢地向appliant 既bank 度追佢俾錢. 到佢收到錢後, 就會以收到錢既日期同俾錢你果日開始計, 睇下相差幾多日, 再計返利息, 向你收錢 (利息). 所以, 幫你買單既bank 就會好緊張提單上既cnee 係俾bank 定俾買家啦 ! 如果to 俾買家, 就可能唔幫你買單或者收你貴d 利息啦 !!

3. 若C拿著一張consignee是a的提單 可以提貨嗎 聽說船運提單是有貨權的 是代表不是收貨人只要有提單也可取貨嗎?
Ans : 如果 c 手上既正本提單背面已經蓋有A 公司既公章及簽名的話, 就絕對可以去提貨. 但如果無佢地公司章的話, 就唔可以啦 ! 如果提單係TO 俾BANK, 同樣道理, 當然要間BANK O係提單後面背書之後先可以去俾任何人提貨啦. 但如果無BANK 背書就邊個都攞唔到貨. 另一個可能就係提單上既CNEE 係就咁寫住 "TO ORDER" 的話呢, 如果提單上有SHIPPER 既背書的話, 無論任何人都可以攞到貨架啦 !再有唔明, 歡迎EMAIL 俾我.


2010-07-30 17:40:02 補充：
補充一樣野, 以上情況係以3/3 SETS 提單入BANK 既情況嚟講架.

如果你份L/C 係話 2/3 入BANK 或要求入FCR (FORWARDER CARGO RECEIPT) 的話, 就算買家唔找數都絕對可以提到貨架 ! 所以要有保障就一定要3/3 SETS 提單入BANK 先得.

1. 是不可以放貨,
2. 會犯法,A會有所損失
3.最好consignee 是to bank最安全
4.C拿著一張consignee是a的提單可以提貨

1. FORWARDER不可在未收到提單之下私自放貨給收貨人A.
2. 如果銀行審單後找不到不符點, 銀行就一定會付款給寄貨人B
3. L/C at sight是一定會用BANK作為提單上的收貨人的.
3. M B/L是可以的, 步驟是先由原來的收貨人A在提單後背書給新買家C.