二戰時，點解德國係都要打蘇聯呢

樓主問左一個極好既問題，打蘇聯係納粹德國其中一個最重要既目標，呢個目標可以話係納粹德國整個國家存在既原因。

納粹黨稱佢地自己既政治思想為國家社會主義。國社主義其實無乜內容，但有一樣野極度鮮明，即係極端種族主義。納粹黨認為德國人所屬既日耳曼民族或佢地所講既亞利安人係地球上最優秀既種族，有權統治及支配世界上其他所有民族。基本上納粹黨討厭所有非亞利安人，但佢地最憎猶太人及斯拉夫人，認為佢地係最劣等既民族。而俄國(即蘇聯)就係斯拉夫人最大既分支。

不僅俄國人係斯拉夫令納粹黨討厭佢地，更重要係俄國已變成實行共產主義既蘇聯。當時共產主義係西方世界係人人怕得要死既新政治形式，而事實上共產主義當時的確係歐洲各處發展，到處都有共產黨，所以共產主義本身已令歐洲其他國家反感，從而令蘇聯從一開始已經不受歡迎。另外，歐洲國家幾百年來一向非常害怕俄國人會東侵，所以佢地會用盡一切方法阻止俄國及共產主義向西發展。再火上加油既係蘇聯的確於1920年西侵，但比波蘭阻止，而且蘇聯內部極端恐怖殘酷既政治運動及因經濟失敗而造成既饑荒浩劫令西方社會更加覺得共產主義係佢地既敵人。納粹當然徹底反共，佢地甚至認為俄國地大物博，可以成為日耳曼人既生存空間。蘇聯不僅係人見人怕既共產主義及俄羅斯民族，而且又可成為生存空間，係納粹既邏輯下入侵蘇聯係必須及必然既事，而且係最重要既任務之一。

不幸既係西歐及美國竟然相信納粹既bullshit，於是對納粹重新武裝、進入萊茵河非軍事區、入侵捷克蘇台德區及奧地利都視若無睹，直至納粹入侵波蘭，英美先知大鑊，於是急急向納粹宣戰，但已經太遲，最終全球被捲入六年總體戰既浩劫。

打極到最后都系(德)番汁(蘇), 去唔晒, 留低哋手尾.
所以唔衰(得), (得)要打埋佢.

這裏可以幫到你
http://acoskdi.server2.166data.com/yahoo.com.hk/hk/auction/178987536