貓咪踩屎.. 可以點教呢

好似你隻貓呢啲咁另類既個案, 講真我真係未聽過......所以以下提供既解決方法可能會對你隻貓冇效...不過你都試一試啦

啊貓踩屎好可能係佢自己細個試過一次踩屎,而自己又覺得好玩, 所以整整下就養成左[去完大便都要踩屎]既習慣......

我地做主人既一定要矯正佢呢種壞習慣, 貓貓愈細愈易教! 不過你隻貓都已經八個月大...[今日冇踩屎就獎勵下]<----呢種做法已經係冇用嫁啦!!!!! 所以一定要採取強硬同激烈既愛的教育!!!

當主人一見到啊貓踩屎既話, 一定要打! 最好用一啲柔軟既物品去打佢! 不過要打到佢痛而唔比佢受傷. 如果係我就會用報紙同膠拖鞋, 打到拍拍聲就ok! 爰的教育既目的係要比啊貓知道[一踩屎就會比人打]既道理. 可能有啲人會話我變態, 虐貓之類...但係我想講一句: 真正對貓冇爰心並唔係令到呢貓受傷, 而係知道隻有貓有錯而唔去好好教佢. 所以我深信我既爰的教育係得嫁! (我隻貓以前都成日踩我畫畫既顏料搞到周圍污糟晒, 佢就係爰的教育成功既例子)

我隻貓都會踩屎，因為佢屙完之後都會轉身去聞自己d便便，就會容易踩到。

有時我會懷疑會唔會個廁所太小，唔夠位轉身。如果佢踩到屎，我就會打佢pet pet，要佢知道唔可以踩屎，但係教都有難度，e+佢間唔中都會踩屎，個係次數無之前咁多。

順帶一提，我認為用豆腐沙比較好，because 佢個d便便/尿尿可以倒落馬桶沖走。

你有冇用貓砂盤同貓砂呀?

貓係天生屙完自動清潔自己屙出唻嘅臭臭架,咁佢會用砂埋咗去,若然你訓練佢去某地方如廁,例如你屋企廁所一角,咁佢都會用腳狂抓企圖埋咗臭臭,咁嘅情況係好容易攪污糟腳喎,咁你都係買砂盤同貓砂比佢如廁啦,其實貓砂盤幾百,可以用十幾廿年,貓砂五KG就可以用兩星期.

我都係一星期清潔貓砂盤一次,只要倒哂貓砂及便便落垃圾膠袋,咁用刷廁所刷唻刷,加水加花王漂白水加洗潔晶刷吓佢,然後過水就攪掂,5KG可以用兩星期,碎砂的5KG係$20至$21一包,咁即係一星期用約$10咋.