CANON IXUS 210 畫面質素 1問

相機個mon咁細,就算有小小矇咗都會覺得好清楚,而且而家啲相機為咗吸引顧客,一般個mon預設都係過光同好鮮,好容易就俾佢呃到.建議你最好對住電腦mon,較翻個相機mon同佢差不多亮度.如果相機有甚麼自動亮度調整就最好關咗佢.等出猛太陽睇唔到先開翻.咁有助你判斷相片是否曝光正確. 另外在相機睇相最好放大來睇,咁先至清楚睇到有冇矇咗. 最後係上傳到FB問題,由於現今相機像素好高,下下都過千萬像素,而好多人係怕麻煩乜都唔搞就原相上載的.咁大量數據FB個server好快就死得.所以FB會強制將上載既相resize到最大720 x 720.而為咗速度唔好太慢,佢唔會做得好精細,所以相質會變差.建議最好自己搵電腦resize咗去720 x 540先上載比較會有好效果.