✔ 最佳答案
我隻貓細個都有咬人既習慣, 而且比你既更加嚴重!!!!
你隻貓咬人有兩個原因:
1) 貪玩
2) 發火
又貪玩又唔識同人玩既貓就會開晒爪, 用牙黎同你玩. 當主人同佢玩就應該做好隨時都會受傷既心理準備.
如果隻貓係發火既話, 你係好容易分到佢係同你玩定發火. 當佢發火既話, 你會見到以下特徵:
1.佢既叫聲會變得好低沉, 好似噴氣咁.
2.一邊叫一邊E起棚牙, 扮到自己好似好勁咁.
3.佢既貓鬚同耳會盡量擺向後, 耳仔仲會摺埋, 避免敵人攻擊自己受傷.
4.弓起身體
如果四樣都出齊既話, 就代表佢嬲, 呢個時候主人唔應該對佢做任何野. 盡可能離開貓貓, 等佢既心情平伏番先再接近佢, 須時二至十五分鐘(我隻貓只須一分鐘)
如果貓貓唔係發火而係貪玩去咬人就一定要教, 貓仔愈細愈易教.
當貓仔咬你(不論令你痛既程度不同)就要打! 要用同一樣工具去打佢(我係用報紙). 最好打到佢痛(唔好話我變態, 咁先係最有成效, 我隻貓就係成功既例子), 打驚佢, 要佢知道一咬人就會比人打
不過都唔好似打得太大力, 打到佢發火. 打到[拍拍聲]就OK. 應該用較柔軟既工具去打佢, 例如: 報紙, 膠拖鞋, 書...... 咁就唔怕打傷佢.