✔ 最佳答案
埃及神仙好貴架,你養死左真係好慘!我有養過,希望以下可以幫到你,你一定要買來再養過,因為真係好鬼靚!
買之前有兩點要注意,第1 看看魚旗有無收縮,如果收縮表現條魚有問題,不可買,條魚d旗一定要上下扯起才健康。第2 追手,什麽叫追手,即是說你伸隻手去魚缸顶,條魚會係甘追上來,這叫做追手,這表示條魚肯開口食野,如果無追手表示條魚未定,未肯開口食野,這個時候買回來可能很危險,最好有追手先買啦I
佢地食急凍紅蟲或者急凍豐年蝦都可以!
水温度26度左右最好!
可以同其他魚一齊養,米奇或者燈科魚,總之是細魚就可以,惡魚及大條魚不可以,例如你條埃及神仙同條細花羅漢一齊養,無論你條埃及神仙有幾大都比條花羅漢咬Q死!
一般來說用黃鹽就ok,有白點既時候,每30公升水落2匙黃鹽,食飯盒果隻匙,再加温到30度,即可康復,爤旗用既份量一樣,不過可以唔洗加温!
就算條魚好健康都要落番d食用粗鹽來保護佢d皮膚架,唔係好易生野架,份量都係每30公升水落2匙食鹽,換完水記得加番食鹽!
順手教你點樣分別公姆?
如果公的話額頭會突起小小,額頭即係眼上面果個位置!
如果姆的話額頭唔會突起,額頭會平平地!
比左甘多貼士你,快d拿拿聲去買番一對埃及神仙養下啦,其實唔係好難養架乍。