我媽咪5年前在一間私人診所證實患上抑鬱症,大約進行了一年的藥物治療.媽咪其實覺得0的藥物冇咩幫助,個醫生就成日同我媽咪講如果唔得就只有加重藥,藥費又不停左加....媽咪左一怒之下,自行停藥.一停就4年了.這4年來都冇咩異樣發生.但近呢排情緒由開始唔穩定,晚晚都訓得唔好,又成日亂諗野.於是我陪佢睇之前果個醫生,而果個醫生只是開返原來果隻藥,又話今次係復發,唔會段尾.唔得只有重藥.我真是十分無助而且又十分痛心.身為兒子卻怎麼都幫唔上...因為家中經濟唔好,想同媽咪去睇政府既精神科,亦希望轉個新既環境.但知道係要經過轉介.
我個問題係
1 如果要轉介係唔係要經過而家呢個私家精神科醫生轉介架?
(佢會唔會唔俾又或者刻意丟難?好似落緊佢面咁)
2 如果唔得既話,可唔可以去睇政府普通門診由佢地轉介呢?
3 一般轉介要幾耐架?
4 佢有冇其他方法啊?
多謝各位有心人的幫忙,小弟感激不盡!thx
有關政府醫院精神科轉介既問題
2010-07-28 12:52 am
回答 (2)
2010-07-28 1:28 am
✔ 最佳答案
聽你咁講, 我覺得果個醫生唔係好掂囉 ! 其實抑鬱症同感冒一樣, 係可以康復架 ! 唔係佢咁講無得斷尾囉 !至於轉介問題, 通常你去睇d 普通既家庭醫生, 將情況話佢知, 佢都已經可以幫你寫轉介信架啦 !但轉介要幾耐就要視乎你媽咪既病程同你地住既地區而定啦 ! 嚴重者及住新界的話, 大約要3-6個月. 但如果九龍可能要更耐架 !所以我建議你不如試下睇我介紹呢個醫生先, 佢係教會性服務, 所以會比出面既醫生平d 架,咁樣你就可以先睇住呢個醫生, 食住佢開既藥, 再排住政府醫生囉 ! 咁樣唔駛擔誤咗病情嘛 ! 仲有一個問題, 就係要了解下你媽咪發病既原因啦 ! 因為如果揾到原因, 就更容易對症下藥啦 !!另外, 呢位醫生度仲有心理輔導轉介服務架 ! 我建議你媽媽都做埋心理輔導, 會快d 好架 ! 因為有時抑鬱症係因為病人通常都容易有負面思想, 但做咗心理輔導後, 輔導員會幫佢揾出問題所在, 而且會陪佢一齊揾方法解決, 而且會教病者學習正面思想. 比起食藥更為有效架 !! 不過, 當然啦, 有d 情況確實要用藥物治療先得, 所以我建議你兩樣都做晒會比較好. 光愛社區醫務中心朱沛娟醫生
TEL : 2619 0001
地址 : 葵涌葵富路7-11 號葵涌廣場2樓C113A鋪 (葵芳地鐵站側)要先預約架 !! 你可以將你家庭經濟情況同醫生講, 如果你地真係好大難處的話, 佢會再睇你情況而收費架 !!如果仲有咩問題, 歡迎EMAIL 問我.
2010-07-28 3:31 am
看中醫及針灸吧 逍遙散 舒肝解鬱 再補脾 中醫是整體治療 使身體達到平衡狀態 比西藥好
收錄日期: 2021-04-19 22:49:42
原文連結 [永久失效]:
https://hk.answers.yahoo.com/question/index?qid=20100727000051KK01122