✔ 最佳答案
請問你既外翻角度有幾大?
行幾耐會痛?
有無係醫院排開期睇骨科?
我兩隻腳都>30度, 而且行路行得耐好痛先決定做手術
我係公立醫院做, 而家做左一隻腳, 手術費好平, 計埋住院total都係$500-600,
住左4日出得院
通常醫生建議要分開做, 兩隻腳一齊做真係行唔到路
康復好睇個人而定, 其實手術後都已經行得, 係消腫較困難, 通常要3-4個月, 但都係因個人而定, 不過醫生通常建議唔好行咁多, 行係度都要抬高隻腳, 咁樣係消腫
我做左後隻腳係直左好多, 鑲左2粒羅絲, 睇x光就睇到, 外表睇落好靚, 但時間真係預足成年去搞掂2隻腳...
後遺症可能係著婆仔鞋/平底鞋時鞋面個位會硬到粒羅絲搞到痛(我未試過著依類鞋所以未清楚), 另外有可能番發, 因為遺傳性既番發機會大過後天影響
我做完都有問題架, 就係因為做手術磨平舊骨之餘亦重新拉直同接駁番d神經, d腳趾好似唔識郁咁, 同埋郁得較慢, 而且好似做唔番屈腳趾既動作, 問過醫生都係叫我勤力d郁多d腳趾, 我遲d都諗左做下運動睇下點
買鞋都係一個問題, 著唔番尖頭鞋,而且拉直左腳趾既關係, 以前買落既一d鞋有頂趾情況, 而家只可以買勁闊頭既鞋, 所以依排都係著crocs多, 普通鞋/運動鞋都唔敢買住
如果你負擔到既, 我勸你都係去私家醫院做, 佢地唔係做截骨手術, 係另一種手術叫韌帶聯合術, 個傷合極細都唔覺做過手術(我依個有2條疤係隻腳到, 1條2cm另1條5cm長), 而且復原時間亦較快...我都係上網睇資料...你可以搵下...但一隻腳都要10萬(聽講)...貴但快靚正
有咩問題再問我丫, 大家都有依個病我好明白種感受
2010-07-29 19:58:42 補充：
我指手術後都已經行得<---係要著石膏鞋既, d鞋係特製, 將重心放係腳爭, 出街點都要著住, 我過左2個月後就唔使著了, 轉左crocs出街
我打錯左, 唔係行係度, 係坐係度都要抬高隻腳, 咁樣係消腫
2010-07-30 13:50:20 補充：
今年年頭
2010-07-30 17:02:16 補充：
你先要做既係去搵你睇開既家庭醫生, 同佢講你個問題, 佢會轉介你去公立醫院睇骨科(排期睇都要預科幾個月) 到時醫生會同你做檢查, 包括量度外翻角度, 有無扁平足等等, 再同你解釋你既情況點樣
p.s 你介唔介意講你幾大? 讀書/做緊野?
2010-08-01 15:51:18 補充：
咁我勸你諗清楚再決定吧, 2隻腳做哂都要預番半年至九個月完全康復.
