上網問題, 三部機共用上網

你好：其實好簡單，你只需要去買個路由器（IP分享器）回來，然後利用IP分享器所附既電腦軟件將你所做既電訊公司（例如PCCW）使用者名稱同密碼寫入部IP分享器入面一次（根據每隻牌子IP分享器都有些少唔同方法）咁就大功告成啦，以後只要開啟IP分享器同寬頻數據機，咁所有插在呢部IP分享器上既所有電腦都可以同時間一齊上網啦，每一部電腦都唔需要再輸入使用者帳號同密碼，就係咁簡單。至於上網速度主要睇個Plan大唔大MB數而定，依個人經驗做PCCW如果其中任何一部電腦唔係上網Download野淨上網睇野影響唔係好大，但如果其中有接駁到IP分享器上既電腦上網Down野（例如使用BT下載）或者睇戲咁就會影響所有同時上網既其他電腦啦。

硬件：現今科技，去買一個路由器內置分享器的數據機 (2 in 1 Modem + 4 port router for ADSL 2+)，要支援 ADSL 2+ 高速寬頻，一勞永逸。如將來會用無線功能上網的話，亦要考慮買無線的型號，現時不會貴很多，若將來要換時就浪費了買一機的價錢，想清楚。因三機或許在不同地方操作，加張無線網絡卡入底板免了拉線的負累。

軟件：因已二合一，安裝時免除分體機種配搭夾機問題，有些牌子的機十分犯駁，費時失事。同時一機比兩機省電，慳位之外，電線及火牛均少一半，亦會省電。

注意：如你家內固網電話不是數碼式 (無線子母機種一類)，一定要同時買一個濾波器 (In Line Filter ADSL 2+ compatible) 裝插在電話機旁的線上，記著要買有牌子和印明適合 ADSL 2+ 頻率的，否則日後共存的固網電話模擬訊號會令你的寬頻運作時走時停，到時你會以為是新機或個別電腦作怪，拚命尋找，之後去電腦舖和 PCCW 交涉，所得答案全無幫助，玩到你殘。

運作：三機同時用線上網，只要是 ADSL 2+ 線速，裝有適合濾波器，就算是 BT ，Foxy 同步，亦無問題，若是無線的話，就會慢些，因現時科技限速於 54 Mb/sec，不過亦絕不是不能接受的。

經驗：以前 ADSL 1 時代，Foxy 是會霸線的，鄰機確實被拖慢至正速 10% 以下，不能接受。但 ADSL 2+ 之後則成為歷史。我試過在 Foxy 錄得下載最高速為 3.2 Mb/sec ，即 3,200 Kb/sec，當然是要上傳快靚合拍。