點解中國無能力製造戰機引擎？

樓主“製造戰機引擎”係指純粹製造定製造加研發。如果係前者，咁樓土有必要知道中國早於四、五十年前已自己製造噴射引擎供戰鬥機如殲五、殲六等使用。殲五及殲六戰鬥機高峰期曾有3,000架在中國空軍服役，如果中國唔識做引擎，點能夠令咁多架飛機運作﹖當然，嗰陣時中國戰鬥機既引擎既設計完全來自蘇聯，而且設計亦較為落後，但呢一大批既引擎畢竟係國產。其實中國早於文化大革命之前已啟動多項自研噴射引擎既計劃，只係由於技術不足及政治動盪而未成事。

現代中國不僅自製引擎，而且係噴射引擎既研發已有極重要既突破。早於十年前，小弟已知道中國正在研究先進既大推力渦輪風扇發動機。後來振奮人心既時刻終於來臨，先有大推力渦輪噴射發動機 - 崑崙發動機研制成功，大家日思夜想既大推力渦扇 - 太行發動機終於在2005年研發成功，從此中國就有獨立研制世界最先進噴射發動機之能力，全世界到現時為止只有美、俄、法、英、中五國有能力獨立研發大推力噴射發動機。

太行有幾先進﹖美國用於主力戰機F-15及F-16既F110發動機推力大概係12900公斤左右，但太行就有13200公斤，僅差過美國最先進劃時代F119既15500公斤。從純技術上來講，太行絕對係世界上最先進既航空發動機之一，只有世界上最先進既噴射引擎如美國既F110、F404、F119，俄國既AL-31及AL-41，法國既M88先可以與之相比。

唔只係大推力渦扇有突破，用於船上既燃氣輪機其實都只係一個噴射引擎，中國係呢方面近年都有重要發展，用於大型船隻上既重型燃氣輪機已完成開發，遲啲就會用係航母及大型驅逐艦上。

但點解好似無乜人用中國生產既噴射引擎﹖原因好簡單，因為如太行及崑崙之類既引擎係新產品，佢地既質素無上述其他國家既引擎咁好，連中國空軍自己都唔係咁鐘意用太行，話佢唔穩定，依家太行既質素仲係改善中。不過中國已突破左無法自行研制先 進發動機既瓶頸，只要假以時日，中國一定可以生產質素高又先進既噴射引擎。到時製造任何重型戰鬥機，大型轟炸機及運輸機都唔再係問題。

2010-07-26 16:01:27 補充：
回應一下Edmond兄。據小弟所知，巴基斯坦第一批生產既梟龍唔會用WS-13，而係照傳統由俄國入口RD-93引擎。WS-13只係傳聞會於未來安裝於新一批梟龍。俄國近排已同意出口RD-93引擎到巴基斯坦用以裝配梟龍。

中國早已研發出戰機引擎了，像最近面世的中國和巴基斯坦合作的梟龍戰機，用的就是中國研製的 WS-13 引擎。

中國是絕对已經有能力製造戰機引擎, 但是只有自給自用, 沒有買家.
第三國家对於(中國製造)四字未有絕对信心确認, 所以在國際上透明度
+知名度+認受性不足.