（認真）如果家人要求我去洗禮，但我不想，怎麼辦？

現在問題重點是你本身有番教會，但到大學不想回，在父母看來，不一定會諒解你，他們可能會以為你受朋輩唆使，反叛等等，甚至覺得是魔鬼在迷惑你，即使你很真誠地和他們講，他們也未必接受；

等他們叫你洗禮，不如反客為主，自己先和他們講吧

不過我建議你在和父母講清楚之前，先測試他們的反應。你可以找天和他們閒談的時候，有意無意地說身邊有同學其實不喜歡番教會，不過一直為了順從父母而番下去，他現在不想再隱瞞父母，不想再番和洗禮，但又驚父母誤會，所以問你意見。你將這件事告訴他們，問問他們如何反應，如果他們一聽到就罵你的朋友，叫你不好再和他一起，那你可以不用說下去了。因為他們根本不會接受你，你如何說他們都不會理解你。但如果他們的態度都好平和，覺得不應該勉強你的朋友，那你可以順勢和他們講，其實你都有過類似想法，只是擔心會因此和他們關係轉差所以才一直番教會，再看他們的反應，如果他們神情沒有不滿，你就將情況和盤托出，這樣事情就好辦了。

最好是找一個傾了先，如果你平日和母親關係較好便和她講以上情況，反之亦然。這樣可以加多句，你一直不說自己不喜歡番教會，其實是怕他們誤會，尤其是父親／母親誤會，破壞彼此關係，這樣會更動之以情。

不過為免刺激他們，千萬不好話自己討厭聖經，否定耶穌的存在，這樣他們一定不會接受的。你可以話自己覺得在世上生存，覺得如何為社會作出貢獻較思考死後更有意義，如果自己沒有做虧心事，就算沒有受洗，聖經中的天父都不會因此責怪自己的，因為你們一直覺得他是慈愛的，對嗎？這樣你父母聽下去，一定舒服得多。而且你亦無違背自己良心（聖經中的天父不等於真是存在；他慈愛也是父母認為你可沒有說自己也是這樣認為）

如果他們真是完全不聽你講，死都要你番，要你受洗，等你上了大學，便用學校有活動﹑有很重要的會要開，要幫人補習等等理由推沒有空，或者索性搬入大學住（不過這個你不一定控制到）。

不過這樣你們的關係一定會轉差，唯有在其他方面順他們意補償過來。

無論如何，為了宗教問題和父母反面真是很愚蠢很不孝；他朝一定會後悔。

其實我都唔明你, 你唔信你為何要番教會呢 ???? 番到去你仲悶啦 ! 我以前被人叫左去教會, 去左一次之後就唔去, 因為覺得唔o岩自己, 寧願把時間做d自己有興趣有意義的事, 你呢d情況係唔係屋企人平時管得好嚴o個d, 因我唔知你家人係點樣性格, 如果係我, 我會坦坦白白講自己的感受, 就係''唔信'', 同埋唔會洗禮, 亦唔想再去, 同佢地講自己真係大個左識諗左所以先同佢地講清楚, 自己唔想再騙家人, 唔想騙教會, 騙上帝, 所以希望佢地會體諒..............
就係咁, 仲有提提你, 你唔好諗到佢地會一定接受呀 ! 可以有排 '' 火'' 你, 你要接受, 總之, 你決定左你就唔好家人講兩句你就去番........過一排佢地就會接受........

你的父母不知道你是無神論者，是因為你沒有告知他們。你亦要主動告訴他們你自己的信仰情況，以免雙方的誤會加深。

信仰是個人與上帝的關係，是不能強迫的。我相信你父母必定明白這點。聖經說：「你們必曉得真理，真理必叫你們得以自由。」（約 8:32）。基督信仰，就是要叫人認識真理、使人得到從信仰而來的真自由。一個未認識真理的人、或未把心靈開放給耶穌的人，則不會有相信的舉動，你的父母亦沒有必要去強迫你受洗和相信。（本人相信一切都是你未曾告訴他們你的真正感受，導致他們誤會你已經相信。）

聖經亦反對盲目跟從，人若非認真考慮清楚信仰帶來的代價，倒不如不要跟從耶穌。請參考「計算代價」一文：http://www.goldenlampstand.org/glb/readglb.php?GLID=02406

如你的父母真的強迫你，你可告知他們你真正的感受，並用以上的經文向他們解釋：當年有極多的人想跟從耶穌，但耶穌並非來者不拒，並要求眾人計算代價。況且向他們說明你就算勉強地接受了信仰，亦非真心，只是純粹瞞著人、瞞著自己、瞞著神，這種心態，對人對己對神都沒有益處。你還是向他們說出你的真心話。

你還沒獨立能力，只有捱住先，當培養忍耐力，等你大學畢業有毛有翼，你去行割禮都吹你唔漲。

其實你一定要同佢地傾下!!因為如果你唔信而又跟你屋企人去洗禮等於泄瀆神靈....你可以慢慢坐低傾下....講你自己既想法出黎!!開頭宛轉d講下教會d野...之後同佢地講:<其實我對宗教無嘜興趣/特別愛戴,宜家只係想專心讀書>你屋企人信教,應該都唔會唔講道理既!!

香港有宗教自由,無人可以強迫人去相信宗教,所以我建議你可以告佢(講笑^^)

同幾個同學一齊, 搵工租屋, 離家出走.

認真, 不是開玩笑, 20年前, 我就係咁做.

當時同屋企人講:[條命係我嘅, 我要點行就點行, 你地要跟神你地嘅事, 我已經成年, 有權決定自己的路向, 咪阻住我, 否則報警, 告你非法禁固.]

15歲已經兼職, 中三之後已冇再返教會, 18歲已經想走, 只係未儲夠錢, 至間中返屋企沖涼, 寧願瞓公園長櫈.

由於有自閉症, 仲被人睇死添, 除咗同亞媽間中講吓電話(當時未有手機), 已經冇同屋企人聯絡, 直到5年後, 同亞媽講, 下星期日, 大學畢業禮, 你會唔會嚟??

2010-07-25 21:01:46 補充：
結果, 成家人到齊.

我問[乜你地唔洗返教會咩??]

老豆話[我唔會再逼你返教會, 你返屋企啦.........]

[冇錢供樓丫麻, 你去求耶神比你中六合彩咪得囉, 有自閉症, 係垃圾廢物, 呢世都係冇出息, 呢句嘢, 係你講嘅, 咁你咪---]

我想話[仲衰過自閉症], 但....還是算了, 最後我都冇返屋企, 直到現在, 即使老井豆老母死果陣, 我都冇奔喪.

因為在20年前踏出家門之後, 在我心目中, 已沒有家了.

2010-07-29 22:44:22 補充：
我半點也沒有後悔, 反而十分慶幸, 決定正確.

不過, 樓主你的情況跟我並不一樣.

你先要向家人表明立場, 且看他們的反應如何, 再作打算未遲.


而我, 表明了立場, 卻得不到專重!!!公園的長櫈, 只在屋企樓下左轉五步, 家中窗戶看不到的地方, 可是.......跑了出去, 沒有人下來找我.

不了解的人......還是算了.