我部電腦既配置點解玩咩game都會lag!!??

你好：根據你所提供既資料顯示你既電腦配備係唔應該玩咩Game都會LAG，有幾樣野想請問你係咪冇做好：
一、你電腦主機板既所有驅動程式係咪全部完整安裝好晒？由於你係用緊XP，如果唔清楚你可以進入「控制台」→「效能及維護」→「系統」→「硬體」→「裝置管理員」→喺入面睇吓有冇黃色感嘆號出現？如果有表示你相對應既驅動仲未安裝好，請重新安裝一次。
二、其中顯示卡部份如果已經安裝好驅動，請問多媒體加速DirectX有冇安裝？DirectX設計係用來支援最新既硬件同埋軟件，咁樣能夠確保而家既軟硬件從最新既科技中獲得最佳既效能。當電腦使用者安裝咗DirectX之後才可以令到電腦在玩遊戲呢類同圖像顯示有關既程式時可以暢順咁運行。
三、另有一樣野要請問你裝咗邊隻防毒軟件？有時候係D防毒軟件喺度搞野，無論玩乜野Game使用乜野程式都要等防毒去Check吓梗係拖慢晒， 假如你真係有安裝防毒軟件可以試吓暫時關閉，然後玩吓遊戲睇吓有冇改善，如果正常番你可以考慮吓改用番另一款防毒軟件。
四、如果你所有既驅動程式都已安裝好晒都仍然會Lag，建議你可以在顯示卡既設定上改變吓會有一定既改善，你需要在「色彩品質」以及「螢幕更新頻率」上作一些調整：例如可以在「色彩品質」中將32bit（位元）下調為16bit（位元），這個調整對於大多數人來說並不會感覺到有太大既色彩變化，但已經可以減輕了顯示卡（特別是使用內置顯示卡）的高畫質顯示的負擔，另外一個需要作調整既係「螢幕更新頻率」，請儘量調整高一D既頻率（如果你個22'螢幕支援的話）例如75Hz(赫茲)其至85Hz(赫茲)，這個螢幕刷新率的調整對於觀看影片以及玩遊戲非常重要。
五、最後建議將你既Windows XP更新為SP3版本為佳，呢樣都好重要，因為安裝咗Windows XP SP3之後會明顯增進XP的整體效能，特別係使用IE上網時發生IE出現錯誤既情況得以減少以及上網瀏覽網頁動圖影片既流暢度都得到好大既改善。
以上純為個人一點淺見僅提供予版主參考。


2010-07-25 10:39:06 補充：
To Kwan Ling：唔好意思因為本人並冇做MSN所以俾唔到你，不過你可以進入本人既知識＋檔案裡面，喺知識＋圖像下面有個「寫信給他」點一下就可以寫信俾我，歡迎隨時來信詢問有關電腦既問題，大家一齊交流。