簡單快食譜 20點!!

粟米羹
罐頭粟米蓉 1罐, 清水2罐, 瘦肉6両, 蛋1隻, 生粉1茶匙
醃料: 糖,生抽,粟粉各一茶匙(先落糖及生抽拌勻後再加粟粉拌勻. 獻料: 粟粉2茶匙 1湯匙水
做法:
1) 瘦肉切粒後用醃料醃半小時備用.
2) 粟米蓉加入2罐清水煮滾,放入瘦肉滾至熟,放鹽調味,可加入少許雞粉添鮮味,轉細火. 蛋打勻後慢慢倒入粟米湯內,邊攪邊倒,最後加入粟粉水令湯水變稠即可.
瑞士雞翼
雞翼--你幾多人就用幾多都冇所謂)
去超市買枝瑞士雞汁,跟佢個樽度咁做,呢個可以好簡單,不過我會用多少少水同糖,我唔鍾意太咸
或者再簡單d 用半碗生抽,1/4老抽,加一塊片糖,再加2碗水煮雞翼.記得煮之前將雞翼先出水(煲滾一煲水後放入薑葱,再放入雞翼煮一陣,跟住用水洗淨雞翼,然後先開始煮.







玉子豆腐西蘭花
玉子豆腐 3條
磨菇 10粒
西蘭花 1斤4兩

汁料
清雞湯 1 3/4杯
蠔油 1茶匙
鹽 2/3茶匙
糖 1 1/2茶匙

做法:
1) 西蘭花用鹽水洗淨,瀝乾水.
2) 玉子豆腐瀝乾水,放油鑊內煎至兩面金黃色,盛起待用.
3) 燒熱油爆炒西蘭花,加入3/4杯上湯,鹽,糖調味至僅熟,排放在碟上待用.
4) 炒磨菇,加汁料煮滾,放回玉子豆腐,加生粉水埋獻,淋在西蘭花面即可上碟.




香煎豬頸肉(可以係凍肉舖有一包包賣)

材料: 豬頸肉

烹調步驟:
(1) 豬頸肉洗淨抹乾, 用鹽, 糖, 胡椒粉, 加2湯匙白醋醃最少半小時
(2) 燒紅鑊, 不用下油, 下豬頸肉, 蓋上鑊蓋中慢火煎5分鐘
(3) 反轉煎5分鐘至熟
(4) 取出後用廚房紙吸去多餘油份, 切片即可

小貼士:
(1) 豬頸肉本身很多油, 所以煎時不用加油
(2) 煎豬頸肉時先煎較肥的一面, 中慢火將油分逼出
(3) 可用焗爐代替煎
(4) 加白醋醃肉可令豬頸肉爽脆
(5) 蘸汁可選泰國雞醬, 亦可自行調配:
青檸汁5湯匙
檸檬葉 (切碎或絲) 2塊
蒜頭 (切成蓉) 2粒
芫荽 (切碎) 半棵
魚露 1.5湯匙
糖 2湯匙
泰國辣椒粉 適量

簡單腐竹蛋糖水

食譜分類：
地方 中式
菜式 甜品
煮法 煲
主要材料

材料 :
腐竹2片
蛋2隻
冰糖少許

食譜介紹 :
簡單腐竹蛋糖水, 不是最正宗最好味的做法. 但一般我都會咁煮.


製作步驟 :
步驟1. 用電水壺煲滾水後, 放入煲. (用電煲水, 慳火+快D).
煲水時洗淨腐竹, 打蛋發開.
步驟2. 待煲內水再滾起, 放腐竹入煲內, 放時撕開成數塊, 不用太碎.
步驟3. 放冰糖2-3粒, 隨個人口味加入冰糖份量.
步驟4. 待腐竹滾起及冰糖溶化, 需時約5分鐘.
其間抹碗, 準備有得食.
步驟5. 一邊放雞蛋, 一邊攪糖水. 完成.

2010-07-28 13:42:51 補充：
腐乳雞翼

材料:
雞中翼1磅

醃料:
薑汁、紹酒、腐乳2小磚、糖1茶匙、生抽、生粉

做法:
雞中翼用鹽水解凍後一開二，加入數滴新鮮檸檬汁，然後
加入醃料醃30分鐘，大火隔水蒸10分鐘，加入麻油即成

【小貼士】

(1) 加入新鮮檸檬汁可去除雞翼冷藏異味
(2) 不同牌子腐乳鹹味各異，所以份量要自行調較，食譜
內提供之腐乳份量只作參考之用。
(3) 腐乳餸菜加入糖，會更惹味。

麻婆豆腐
材料：免治豬肉10元、硬豆腐2盒、蒜茸2湯匙、小紅椒1-2隻（切片）、蔥粒2湯匙

調味：辣豆瓣醬1-3湯匙（隨自己喜好）、生抽2湯匙、老抽2茶匙、鹽1/2茶匙、糖2茶匙、麻油適量、雞湯1小盒 （或自己按喜好調教分量）

做法：
1）豬肉用2/3隻蛋液、生粉拌勻；豆腐切1.5cm x 1.5cm方塊。
2）燒熱中式鑊，下油，轉小火，爆香蒜茸，下豬肉炒至散開及8成熟。
3）下調味（雞湯後下）炒勻，下雞湯。
4）待雞湯燒開，下小紅椒、豆腐粒，輕輕與肉碎剷勻，蓋上鑊蓋，待再次燒開，試味，勾芡，下麻油亮芡，下蔥粒輕輕炒勻，上碟供食。