在人成長上,我時常到心煩，我自出來社會工作,便希望盡快成熟起來,
但時常感到有心人無力,例如一個男人要有紳士風度,我經常在這事上
在一些時間進步些後,又退步到原處,
自己卻很多事在代人處事上仍是停滯不前,仍改不了孩子氣
另外我一向轉數慢,令自己表現蠢,常常很久先知道人需要
同人相處上經歷很多不快,感覺難以成熟,
我經常為自己不成熟表現而感到自卑,亦有時為此而脾氣暴躁
影響了同家人處事,及在感情處理........
眼見同年紀朋友己多數己為成家,成為一個頂天立地男人,,但我仍是
吊兒郎當的孩子氣中,有時當我無心之失做錯事而比人責備
後,更感到不成熟的壓力.......
１.我在網上得知有"彼得潘症候群"有此心理病的人是難以成熟起來
我己工作十多年仍不能達到同年紀成熟程度,我是否得了此心理症狀
2.我知道自己心理成熟程度與同年紀朋友起碼相差十多年，是否不正常
３.所謂江山難改,本性難移,多年缺點,多年未能成熟，我是否可改變
否會從此幼稚一生.。
一個三十多歲而不成熟的男人的煩腦
2010-07-24 9:36 am
回答 (3)
2010-07-25 5:26 am
✔ 最佳答案
時刻保持赤子之心,時刻保持青春活力係好事呀,30歲都仲萛係年輕人,難道你希望自己未老先衰,老氣橫秋咁咩?30歲男人間中有d孩子氣表現都唔萛好大問題,但咁大個人待人處事就應該要有d分寸,想自己表現唔咁幼稚,主要靠自己事事留心,少d撞板就無問題啦!
你說自己轉數慢即係腦筋無人咁靈活,如果樣樣都比人地反應慢半拍雖然係執輸d,但只要自己肯多d留心,努力學習,都可以改善的!
想待人處事成熟d,就要處處為人設想,唔好口快快講出令人唔開心的說話,對人多d包容體諒,少d批評挑剔,自然給人親切友善的形象了!
另一方面工作細心負責就不容易出錯,自己負責的工作有錯就要承認,然後改進,要小心留意盡量不能再次犯相同的錯失!
1,唔好自己嚇自己,以為自己係唔會長大的小飛俠彼得潘咁傻啦,點可以同人比較呢? 個個人的成熟程度都唔同,40歲的人都未必一定比30歲的成熟呀l
2,無理由相差十幾年咁多卦? 你唔好成日想野想到入牛角尖就唔萛不正常啦!
3,雖然話江山易改本性難移,呢d係講自己唔知道自己有缺點先唔會改善,既然你知道自己的缺點又有心改善,咁又點會無得改呢? 只要你有決心,鐵柱都磨成針啦!
只要肯努力, 你一定有進步的,我支持你! 加油!
參考: 我的意見
2010-07-26 10:47 pm
"我就是我"... 何須因此而擔心及有壓力..
我自已都40歲, 但思想及行為仍然keep係廿幾歲,
我阿媽、家姐見到我就頭痛, 我D姨甥女就覺得好好。
成熟唔成熟唔係只有紳士風度或常為自己不成熟表現而感到自卑、暴躁
成熟係要有不同嘅人生經驗累積而成..
對人做事, 係要攞個心出嚟.. 唔係攞成熟。
我自已都40歲, 但思想及行為仍然keep係廿幾歲,
我阿媽、家姐見到我就頭痛, 我D姨甥女就覺得好好。
成熟唔成熟唔係只有紳士風度或常為自己不成熟表現而感到自卑、暴躁
成熟係要有不同嘅人生經驗累積而成..
對人做事, 係要攞個心出嚟.. 唔係攞成熟。
2010-07-24 5:17 pm
"彼得潘症候群"
你好小事唶, 我有亞士保加症 未仲大鑊
收錄日期: 2021-04-13 17:23:21
原文連結 [永久失效]:
https://hk.answers.yahoo.com/question/index?qid=20100724000051KK00131