同佢一齊6年, 個女都快一歲, 我從未收過佢給的家用. 相反, 佢要我幫忙找唔同的數. 我唔係介意$, 而係我一直都覺得佢好冇責任感. 其實我想離婚好耐, 但始終都落唔到手. 我哋係一齊冇話題, 講多兩句我都覺得佢討厭我阻住佢打機.
為咗打機呢個問題我哋吵過N次. 識佢不同1個月, 佢就係咁樣. 3個月唔夠佢就走到我到住唔走. 我要返工, 仲要返去煮飯洗碗, 家務全都一腳踢. 見佢唔去做嘢, 又話自己呢到受過傷, 嗰到受過傷, 學歷又低, 諸如此類一大堆嘢講. 咁我咪走去加按層樓比佢創業. 點知佢踢都唔動. 我咪做埋佢. 直到開張先交比佢. 佢唯有去返工囉. 做咗一段時間, 有少少起色, 佢開始有D不可一世咁. 不過我都開心過唔去行第一步. 過咗一年, 佢話幫我供樓, 我都好欣慰(雖然佢問我攞的多過佢付出的.)
做咗3年左右, 佢唔掂, 我都幫到山窮水盡, 咪唯有折咗佢. 咁啱我有咗4-5個月. 佢又係咁坐係屋企日夜打機, 家務唔理. 後來連個工人都走埋, 我唯有大住個肚又返工, 又買餸, 又煮飯, 又要做家務, 又要照顧幾隻狗. 自己收入又大不如前. 加上生女又要使一大筆, 我真係有D精神病. 但我同自己講我為咗個女, 為咗自己的父母, 一定要堅強支持落去. 就咁又捱過咗一關.
到生女嗰時也是我最痛心的時候. 我阿爸阿媽日日都來探我. 佢都有, 但是好似張椅有釘咁, 一陣就要走, 企係到又冇嘢講. 又唔係要返工(佢依舊係冇去搵嘢做). 我個心真係好唔舒服, 點解我係到為咗您生仔, 您都好似冇感謝我. 仲日日打機打到冇晒精神.
坐月一個月唔夠, 我唔想再見到佢再打機, 我周圍找鋪再給他做生意. 開咗鋪, 佢都只係顧住打機. 生意一定唔會好. 個個月都要幫佢比埋租. 後來我比唔到, 佢又問朋友攞, 就咁捱咗半年, 最終折埋. 我呢, 周身都係債. 收入比之前忡少. 佢如是者又坐係屋企. 今次勁D, 2個月多D搵到而家份工. 7000蚊比4500我, 聽落好似唔錯, 但係有3000蚊係交佢D電話費, 保費. 仲有1000蚊係佢D八達通返工. 500呢, 早餐晚飯, 連午餐都係屋企帶返工. 咁咪係我忡要倒貼.
我自己諗, 唔理佢有冇錢, 佢對我好關心我就算啦. 但係搵佢傾計, 通常3句唔埋又會吵. 佢又唔係點同個女玩, 食完飯急急腳又開機打, 我話佢, 佢又話我有同佢玩, 您又唔知. 我真係唔知, 我見唔到囉. 講什麼都要佢啱. 講錯一句又勁黑面. 我真係覺得好辛苦. 冇人可以同我申. 我都唔知點解會同佢一齊. 到底我應否絶情D同佢分開. 但係我又怕個女冇DADDY....
我是否應該跟他決絶分開呢?
2010-07-23 8:33 am
回答 (5)
2010-07-25 4:37 pm
✔ 最佳答案
你已經做得好好, 不要自責. 不可以長期唔開心,要找方法.離婚是其中之一,但係唔係唯一. 記住有幾不滿都要避免正衝突,要提醒自己你的乖乖女,父母都在等你,佢地都想你開開心心..我唔相信你地一起六年,佢對你同家庭一點感情都沒有. 想一想你地開心過的事. 你當初點解嫁他.哪怕一點點.
想一想你現在想要D咩? 是否你老公可以做到你就開心. 如果係, 問題就是點樣令佢做到? 你是否想佢可以同你傾下你就會開心點? 是否佢在打機唔理你? 點解佢成日打機?有咩方法可以令佢抽10分鐘同你傾下?
如果係沈迷打機, 有方法解決的. 但係要時間
不要計較誰付出多,誰付出少. 結左婚就係親人,一個親人值唔值付出.我覺得值,因為我愛佢地. 我唔幫佢,我會後悔.
當然,要平衡各方面如你自記健康,經濟,其他重要家人如父母,兄弟,姊妹. 最好找信得過的人或親人傾下, 如社工.
記住,
佢打緊機不要嘗試比較你重要定打機重要. 會有衝突. 寫字條或俾短信佢,佢會睇的.
你係好妻子,但係俾$$佢未必令佢做到好老公. 令佢唔打機. 唔係叫你唔俾,會做成衝突的. 要用, 最好令佢行為上有點改變,或減少佢打機時間.
希望你能開開心心.
2010-07-24 5:58 pm
我唔知妳有多喜歡佢及年紀多大, 但看來離婚比較合適. 雖然教人分妻係唔好, 但看了以上的事情, 根本只有妳愛佢及緊張個女.他看到妳的弱點, 但妳可能只是他的提款機, 煮飯婆, 洗衣機及洩慾工具. 其實我覺得妳不用太擔心個女, 現在大把單親家庭, 而且個女現在細個, 如果妳識到個好人, 再在一起. 小女兒可以適應. 但到佢懂事時,妳到時才辦離婚就難好多. 做人千萬不要拖泥帶水, 現在離婚一刀切, 我想對妳及女兒甚至其他家人都有好處. 他到時可能會求妳再給機會, 但係妳千萬, 千萬不要心軟.
2010-07-24 1:16 am
都係算把啦，你一廂情願自己攞唻衰咋，你又唔係佢亞媽，佢點會聽你大聲夾惡教佢呢，呢啲嘢係佢亞媽做嘅，唔係老婆做嘅，你自己再細心諗吓，有佢等於冇佢喺度，得個身體喺屋企打機，有鬼用咩？你又唔係等佢開飯，冇佢你又唔會死，你再拖佢真係拖死你，你等於幫佢亞媽養仔咋，你估你係佢邊個，係佢終身工人同煮飯嘅亞媽咋！
你以為佢仲會唔會變呀？咁多年啦，仲有冇變呀，變嘅係你呀，本來好地地係人哋嘅女，現在變成免費工人，仲攪到幫佢生仔女，你有冇攪錯呀，你有冇諗清楚，他日個女長大，佢就係喺屋企打機，你要湊女煮飯打掃洗衫餵奶，乜都係你呀，仲要返工呀，你估你係超人呀？
算把啦，我知大把你呢種人，根本係唔甘心，或者會變呢？會鬼呀！
離婚嘅就上網家事法庭，唔駛請律師，若然你叫佢搬走，雙方同意離婚，咁一年就可以離婚，若然佢唔願離，你單方面申請離婚，咁就分居兩年．
你以為佢仲會唔會變呀？咁多年啦，仲有冇變呀，變嘅係你呀，本來好地地係人哋嘅女，現在變成免費工人，仲攪到幫佢生仔女，你有冇攪錯呀，你有冇諗清楚，他日個女長大，佢就係喺屋企打機，你要湊女煮飯打掃洗衫餵奶，乜都係你呀，仲要返工呀，你估你係超人呀？
算把啦，我知大把你呢種人，根本係唔甘心，或者會變呢？會鬼呀！
離婚嘅就上網家事法庭，唔駛請律師，若然你叫佢搬走，雙方同意離婚，咁一年就可以離婚，若然佢唔願離，你單方面申請離婚，咁就分居兩年．
參考: 自己
2010-07-23 10:46 am
如果生活上找工作上有需要, 供應生活無問題, 每天 $400, 要勤奮, 負責填寫資料, 寄件等, 有興趣可聯絡 92-32 -07-40 陳生 ( 擁有2000 呎寫字樓, 又有物業 )
2010-07-23 9:41 am
lee個咁差的男人應該一早就飛左佢la, 仲要生埋女添, 正常的男人根本唔會咁样對自己愛的人, 佢咁样應該系愛你d 錢, 唔系真系愛你, 仲唔理個女添, 咁衰的男人同佢離婚都唔系过份, 佢咁样對個女, 咪同冇爸爸一样, 你飛左佢再開始你同你個女的人生la, 冇左佢唔緊要, 你有個女丫ma, 其實lee個世界上都有好多好男人架, 或者你飛左佢之后可以遇到你的真愛呢 , 遇唔到都好la, 點都有個女la , 加油 !
收錄日期: 2021-04-19 22:48:30
原文連結 [永久失效]:
https://hk.answers.yahoo.com/question/index?qid=20100723000051KK00037