刑事案件上訴可否找法援律師

✔ 最佳答案

好明顯, 首被告(A)係見到次被告(B)只係被判感化, 而佢自己就判勞教, 所以上訴.首先要講嘅係, 任何人在裁判法院被定罪, 都可以在14天內提出上訴. 上訴分兩種: “上訴不服定罪” 及 “上訴不服判刑”. 如果被告係自已認罪嘅. 咁就當然只可上訴不服刑罰, 因為係佢自已認罪話有做㗎嘛. 所以既然A係自己認咗罪, 咁就只可以上訴不服刑罰.你無講佢幾時被判有罪 - 有無過咗14日. 我當佢係過咗14日. 咁佢要上訴, 就要先向高院申請 “逾期上訴許可 (Leave to Appeal Out of Time)” - 即係同個官講, 點解佢唔喺14日內提出上訴, 而要過咗期先上訴. 如果佢有好理由, 咁個官可能會批准佢過期上訴. 批准咗後, 佢就可以憑個 "逾期上訴許可証書" 正式向高院提出上訴.喺好特別嘅情況下, 佢可以向高院申請 “推翻認罪”, 即係話佢而家又唔認罪嘞, 要求高院頒令佢在裁判法院嘅認罪係無效嘅, 而將案件在裁判法院正式展開審訊. 但要申請成功, 要有極有力嘅証據, 証明佢在認罪時唔知做緊乜, 或俾人嚴重誤導. 通常 “無律師代表” 唔係 “極有力嘅証據”, 因為好似樓上位仁兄講, 裁判法院有當值律師㗎嘛. 佢無法律代表, 個官一定好緊謓, 喺開案時一定會提醒佢可以揾法律代表嘅.至於上訴可否申請法援, 答案係 “可以申請但未必批”. 任何人涉及區域法院或以上嘅刑事案, 而資產唔超過法援規定嘅上限, 都可以申請法援. 但法援署會睇佢單案有無point (論點), 即係有無機會贏. 如果法援署認為根本無point可以拗嘅, 就未必會批法援.“保釋等候上訴”通常係d唔認罪, 而被判有罪, 但單案好大機會打甩嘅人先會申請成功嘅. 用意係萬一佢上訴成功, 就會坐寃獄, 所以就俾佢上訴期間保釋. 阿A佢係認罪嘅, 只可以上訴不服刑罰. 就算上訴成功, 都係有罪, 只不過刑罰可能不同. 所以法庭批准佢保釋等候上訴嘅機會極微. 如果佢真係想申請, 就要先申請法援, 再向高院申請逾期上訴許可. 批咗後. 就叫法援律師向高院申請保釋等候上訴.個人意見: 老實講, 每個官判刑不同, 要睇案件嘅情況及每個被告嘅個別情況. 同一控罪, A、B判刑不同係好常見嘅. 譬如講, A嘅感化官報告好差, 感化官認為佢不適合判感化, 而B嘅感化官報告好好, 感化官認為佢適合感化, 咁已經會判刑不同. 又譬如講, B打人只係打佢兩鎚, A就打到人爆哂缸牙都甩埋, 咁雖然同一控罪, 判刑亦會有所不同.本來我唔答匿名問題, 因為大多人睇完答案就删除問題, 嘥哂我心機. 但見你幾好禮貌, 即管答你. 希望你唔會睇完答案就删除問題, 令我失望.

2010-07-24 00:12:45 補充：
我只係話佢認咗罪, 好難推番認罪, 並無說上訴嚟都哂氣. 因為佢仍可上訴判刑.

2010-07-24 00:14:55 補充：
向高院申請上訴最快都要排期4-6個月. 過期上訴會多個零月.

2010-07-24 00:16:02 補充：
"點解有D人又話傷人39排高院要等幾個月?" <-- 你係指排上訴?

2010-07-24 00:23:27 補充：
如果請私人律師向高院申請保釋等候上訴, 最快可1-2日內排到期. 最耐大約1個月. 呢個只係排期. 批唔批另計. 請法援律師, 申請法援程序大約42日, 批唔批另計. 但都係嗰句, 佢自己認咗罪, 法官無俾佢擔保嘅理由. 所以批佢保釋等候上訴機會極微. 我咁多年從無見過自己認罪嘅犯人可以保釋等候上訴.

刑事案件上訴可否找法援律師

回答 (2)