間房好局 又唔想開冷氣 有咩方法？

如果您間房唔想開冷氣，但唔開又會太熱，本人建議您可以去買現時最新最流行既冷風機﹑再者風扇。不過就算冷風機有幾流行，本人都係建議您買番把風扇好過。因為現時既冷風機雖然係話模仿冷氣機既模式去操作：都係要安裝雪種，要入水（如果唔裝雪種淨入水，會有反效果）；同時亦有唔少冷氣機既功能都能應用喺冷氣機度，例如淨化空氣﹑抽濕之類。感覺上好多方面都好似冷氣機，但由於冷氣機始終有個室外散熱器，先可以輕易制冷，但冷風機就冇呢個散熱器，制冷上自然差一大截。而且就算冷風機用電量係低過風扇，但要用冷風機就要裝雪種，呢d雪種唔同冷氣機既雪種，冷風機既雪種用得太久，雪種係會用盡，要放入雪櫃雪好耐，仲要校到最凍，長遠黎睇，雪櫃既用電量自然就．．．

但風扇就唔同，不但安裝簡單（視乎品種），而且唔使每次都換雪種，而且有多種類型可以揀。如果您唔想太麻煩既，可以裝鴻運扇﹑直立扇﹑台扇；如果想有快速涼快既效果，可以裝掛扇﹑吊扇﹑樓底扇，但安裝上會麻煩d。

其實發表意見既TsuiYan Sing都講得好啱，您間房60feet，可以安裝部3/4匹既冷氣機。要知道冷氣機係有個叫「壓縮機」既野，只要您校好個室溫，基本上就唔會凍得去邊。如果您係嫌凍，可以喺制冷上校高個溫度；再者可以用風扇速度運作，效果都唔錯。

其實講到室內空間，我間房同您既差唔多，但我係住舊式d公屋，我間房係對著走廊先有個窗，如果唔係咁，我真係寧願裝部冷氣機係間房度，反正d電費唔算好貴。

你試下用條濕左既毛巾.擦渾全身.之後再搵風扇吹啦.會好涼爽嫁!!

60平方尺用3/4匹窗口機應該唔會太凍,你怕凍可較細d,制冷調低左,用電也少左,你也可以只開風,不開制冷.

尚朋堂的風扇不錯，但你可以加多把抽氣扇，
抽了些熱氣出去會涼快一些。

在風扇前面放d冰來吹,會好舒服