好朋友(20點!!!!)

我可能打得長左啲...
(注:我係一個可以話係對朋友勁主動+熱情既人,而a朋友係一個較被動既人)

我有一個好朋友,我係由小學4年班開始識佢.我同佢都幾friend下.我一直都有當佢係我既best friend,但我唔知佢有冇當我係best friend(我叫佢做a)...有一次,我忍唔住問a,但我未問之前,有另外一個冇咁friend既朋友(我叫住佢b先)b朋友知我想問a有冇當我係best friend.b朋友又話佢都當a朋友係佢best friend,咁我哋大家自己有少少憎大家.之後,我同b朋友一齊問a朋友邊個係你best friend.a朋友緊係唔係幾識答,但佢話同邊個識得耐啲,我咪當邊個係best friend.過左一陣,好似我同b朋友狂問a朋友,最後a朋友答話我先係佢best friend,我緊係好開心啦!但b朋友就唔太高興....於是我同a朋友做好多野都係一齊,例如體育堂分組個時同佢一組,做功課個時又係一齊....而慢慢我發現b朋友好似揾到一個對佢好好既best friend(我叫佢c啦~)c朋友我同我都幾friend.當我見到b朋友好似放棄同我掙a朋友,同c朋友玩個時,我緊係放鬆曬同開心,但原來唔係咁...大約升上5,6年班個陣,可能我做錯左一啲野,a朋友唔係幾理我,排隊個時我係排佢後面,而b朋友就排佢前面,佢成日排隊個時同b朋友傾計.我知道佢都可以識其他好朋友,個時我自我安慰可能佢同b朋友有話題,所以咪唔理我lo.但漸漸我發現佢愈來愈唔理我,我忍唔住又問a朋友:「我係咪做錯左一啲野?你依排成日都唔理我!?」a朋友就話我冇做錯野.我又問咁點解成日都唔理我,佢話我冇唔理你啊~我好矛盾,跟住佢都係冇乜點理我,甚至同b朋友愈玩愈埋,連體育堂分組都同佢,仲唔係發生一次....我真係好唔開心!!!之後我特登比本紀錄冊b朋友寫,睇下佢寫best friend個欄寫who,點知佢真係寫a朋友....後尾我都唔太記得,因為發生過好多事.但我同a朋友同b朋友friend返(當然都係有少少唔like b朋友).之後雖然冇乜事發生過,但a朋友一時對我好,一時對我勁冷淡,同埋我發得佢好有人緣,即使佢唔係點出聲,但都好多fd主動同佢玩.好似之前畢業宿營,佢突然又對我勁冷淡,但之前又好好,我真係覺得有啲辛苦,但我唔想失去佢依個好朋友....(我意思唔係唔比佢識fd,只係我係一個好敏感既人...我有諗過我有冇做咗啲咩而令佢唔happy...)
依加我哋已經要升中,我同佢係唔同中學,但我到依刻為止,我都係當佢best friend!但我驚佢唔係,因為佢好快已經識左新朋友(佢今日係facebook話我知),我唔知升中後點可以再同佢keep住依段友誼!?我驚我成日打電話比佢,佢會think我好煩...
我可以點做?唔該大家教下我....
thx~
(ps:a朋友淨係對我先一時熱情,一時冷淡,但對b朋友or其他就好少)t^t