✔ 最佳答案
熱漲冷縮囉!
咁你哋選木地板時有冇諗過佢係邊度出,有啲喺亞熱帶地區,有啲係加拿大等乾澡地方,地方唔同嘅出產嘅木,咁佢哋對香港潮濕天氣亦會有影響,若然係亞熱帶地方,例如菲律賓,印尼等,咁當然舖時冇問題啦,但係若然係北歐或加拿大天氣乾燥等地方,咁遇到天氣潮濕就會令木頭本身受唔起潮濕天氣而冷縮熱漲.
另外,有啲師傅舖嘅手工問題,咁你哋係自己舖定係揾賣木板嘅師傅舖呢?
若然係自己舖或自己貪平揾啲唔係幾識嘅師傅舖,咁佢哋只係識用木舖喺地就咁迫住佢哋,冇理隻地板受唔受氣温問題,我試過去一個包租婆新買嘅樓探佢,佢話佢自己老公舖嘅木地板,但係佢老公係做三行,但唔係舖木板嘅師傅,咁為求慳錢,佢就自己唻,結果一個禮拜唔夠,就有四五塊凸咗出唻,成個小山丘咁.
若然你幅地板係喺冬天舖嘅,咁佢哋舖時冇預空位,舖到好密,到夏天就可能遇到漲嘅情況,咪會有凸嘅情況.
再加上有水,水潮濕現象,咁咪會令你地板成為一個小山丘囉.
你都係揾賣地板嘅舖頭,買番一樣嘅地板,叫佢幫你舖好去,不過因為要起返舊嘅出唻,重新舖膠,咁可能新嘅同舊嘅有好明顯嘅分隔,唔可能似成幅咁舖得咁密.