股票9條問題 急問

你真係太多問題,而且好低級,我試下答.

2010-07-23 00:42:53 補充：
1.兩者最重要既分別,就係你投資左兩間唔同既公司,問題有d似問緊,a+b同b+a既分別.

2.既然停牌,當然係停止買賣,復牌後可以賣,前題係要有人買.

3.股息通常係公佈業績時,同時宣佈發放日期,派幾多冇規定(房地產基金除外),亦即係點計都冇規定.

4.呢個世界好多人,各人有各人原因去做事,買咩股票亦各有原因,你無辦法問人點解,就連問番你自己,都唔一定答到.每次成交都意味一買一賣,點解你買,點解你賣,點知??而以匯控為例,佢佔恆指好大比重,同時亦可以透過匯控試圖操縱期指,而操縱其他衍生工具,更加係難以追蹤.

2010-07-23 00:55:57 補充：
5.每手股數係公司自行決定,股價高而股數大既股票,會影響流通量;細價股既股數較多,主要係方便運用財技去向市場集資,即係好簡單,搵小股東笨.

6.學睇圖係要好長時間,舉個例,你以為識睇圖,知道支持位,出入貨位等資訊,呢個時候就係陷阱出現,你就每日睇圖,大行就每日畫圖.睇圖仲有好多死位,例如你知道聽日溫度係35度,咁到底係咪好熱?咁應該要睇埋相對濕度,你先可以比較清楚知道,實際既情況係點.

7.呢個唔識點去答,因為都唔知你問嘜???既然你想知道過去股價,既然yahoo已經滿足到你既需求,咁去第2個網,睇番相同資訊,為咩?或者你係想知道咩野?

2010-07-23 01:04:52 補充：
8.成交量同金額,係反映股票有冇出現異常情況.例如一隻唔流通既股票,成交量突然增加,會係一個資訊,你要了解下咩事;例如一隻股票突然大升(或大跌),但成交量偏低,會係一個資訊,又要了解下咩事.

#成交量,成交金額,市盈率,市帳率,負債比率諸如此類等,一大堆資訊,都係一個事實,呢堆事實會反映出未來,但問題係投資者點去處理呢大堆資訊.

9.要知道人為財死,烏為食亡.

2010-07-23 01:23:51 補充：
第3條再補充小小,派息呢樣野,其實內裡係包含左一個關於投資既重要課題,但呢樣野係冇可能答到你明,我只可以講一個現象你知,然後你自己研究下.

香港上一代既富豪,真正既致富原因,係一直透過公司派息,然後再增持自己公司股票去發達,當中極少出現透過炒賣自己公司股票去致富,即係至少反映出2件事:1.佢地都冇把握可以估計公司股價短期走勢;2.佢地合法地知道公司內部資訊,可以更有把握長期利用複利效應去財富增值.

1. 一般來說, 貴價的股比較穩陣
2. 是, 不過如果沒人接貨, 即無人想買, 你都係買唔出
3. 如公司有盈利, 股息一般一年派2次,
匯豐 恆生一年派4次,
於業績公佈會報告埋除淨日, 派息日及股息派多少
例如: 以恆生為例, 每次多數派每股$1.1, 如你有100股, 咪派$110
4. 有d人是買來收息, 唔係買來炒, 如果你唔係專家, 炒股其實是好似賭馬
有d人有好多匯豐, 收息足以養家
5. 分得細容易買賣, 如果匯豐一萬股一手, 無咩人會買得起
6. 唔識答
7. http://www.etnet.com.hk/www/tc/stocks/realtime/index.php
幾好的網
8. 如果無詳成交, 你要小心, 可能入得唔出得
9. 要以投資心態, 買d穩健, 派息穩定, 唔好炒