(1) 二戰時英美聯軍為左統一指揮，有一個聯合參謀委員會，職責好似之後美國既參謀長聯席會議。大家都知參謀長聯席會議有個主席，係由美國海、陸、空三軍當中搵一個上將來做主席，咁二戰時英美聯軍聯合參謀委員會有無主席﹖如果有，係邊個﹖
(2) 小弟成日係度唸德軍最強大既時候係幾時﹖小弟覺得有兩個時間，第一個係基輔會戰之後，莫斯科會戰之前。第二個係史達林格勒戰役之前。各位仁兄有乜高見﹖
(3) 呢條問題最想有人答到我。小弟之前睇書，話德軍第十八裝甲師有一位非常出色既裝甲指揮官，未打仗前佢係一位公爵，而佢指揮作戰極為出色，有「裝甲公爵」之稱，後來佢去左第十六裝甲師做團長。雖然呢位仁兄有攞過騎士鐵十字勳章，但由於佢無做過師長或封將，所以搵唔到佢既資料，我剩係記得佢個名叫 von Schxxxxx，中文叫“史xxxxxx”公爵，因為個名太長，所以我唔記得。各位大佬可否幫我搵下呢位仁兄既資料﹖
小弟絕不歡迎胸無半點墨既抄貼快剪黨將唔相干既二戰盟軍或德軍既歷史抄來作答案，一經發現，必定舉報。另外小弟歡迎任何高人對上述任何一條或全部三條問題作回應，多謝各位既熱心幫助！
更新1:
同意Wing兄所言。德國最愚蠢既係不自量力，就算鼓全歐之力都未必可以滅蘇，德國侵俄時甚至陷入同時與英蘇作戰既兩線作戰困境，失敗係注定既。
更新2:
多謝將軍兄既熱心回應！小弟查過你提到嗰位Gerhard Graf von Schwerin既資料，原來佢係116裝甲師長。呢位仁兄我有少少印象，據我記得及睇過既資料都發現佢無係第16及18裝甲師服役。不過點都好，再次多謝將軍兄賜教教！
