想修理Philips 21PT3962/57R電視電源開關制

修乜鬼呀。14、5歲時大家已相識的舊相好，初中坐你隔離果個女仔呀嗎，送部新機比佢都得啦，所謂舊相好即是你的初戀情人，你唔講係人都會捻到啦。

挓住條電源線，去到個電源開關，剪左佢，再剪電源掣的另一邊，之後駁反，包好膠布，換個有開關的插蘇，收工去飲茶茶。

原來的掣應該係雙刀的按掣，內裡有軌道引領軸心的位置，一下高一下底，以不同高底位置決定 on/off。

我睇你都係借修機為藉口，小心比老婆知道紐你耳仔。




2010-07-22 12:23:28 補充：
我支持環保環，但係最討厭 D 人亂講環保！環保係有錢人講同玩既。叫你捐衫捐衭，佢收左唔係送比窮人，係再出售賺錢，據為己有袋袋平安。買野唔比膠袋，攪到要買垃圾袋。
一於同部電視通波仔，簡單 D 可以 By Pass 接通損壞的開關掣，駁骨手術重快。

2010-07-22 12:24:59 補充：
Diamond Wong load Five？咁你出街就小心 D，好多靚女會喉住唔放過你，千祈唔好同佢獨處一室，唔好飲太多酒，連可樂都唔好亂飲，記住受到侵犯要大聲哎。
原來你智商咁高，中學都唔使讀，岳下岳下就戴四方帽做左 Master。佢係在電子廠做收音機修理員果陣識既靚女 Line 長？

2010-07-23 11:36:05 補充：
嘩，講解得好詳細啊，今晚得閒再給你回應，現在做緊野唔得閒。

2010-07-23 21:50:44 補充：
佢果部係 IF marker scope，針對 AM 455KHz 和 FM 10.7MHz 收音機中頻而設，中間有一點，調中週到中間最高而達到指定幅度的就 Pass，調唔到或調不起就要修理。以前收音機仔多數用倉底零件，好多零件唔得，連電阻都經常差佢很遠。那時的修理大哥，一隻手指換中週，只須十秒，換原子粒、電阻只須四秒。你得唔得？

現在收音機除頭尾外，乜都唔使調，無中週、無 in/output ，一只 IC攪掂。所以話，現今讀電子好難搵食，幾複雜的機全部三、幾只 IC攪掂。產品轉得快，技術高、又要識電腦編程，最慘係無乜好修，IC 壞了就換，無技術可言，機械操作，無讀過書的姐仔都攪掂。

2010-07-24 00:18:18 補充：
有時振蕩線圈頭尾調轉，即相位唔岩，係唔起振的，相信可能衰呢度，囉得零件，係我就囉埋底板機殼旋紐。在公司砌多部，當然係比自已。

2010-07-24 10:35:23 補充：
你話好似屈原咁？都唔係死路一條既，但係一定要枕住更新知識，追到實，走在高層次技能上，現今行行都差唔多，裝修都有好多新產品你要識得去用，唔通重用捶仔續口釘黎釘，間房用石膏板上螺絲，做木有鑼機收邊，快靚正！

2010-07-24 22:45:58 補充：
當時你如果你識翻個女仔，就會日日掛住返工，唔想放工，你話修修下機得閒就同佢眉來眼去，佢又向你放下電，你又同佢單下眼，好爽呀係唔係？
如今成日對住三夾板、油漆、福粉、熟膠、水司那…。做裝修真係好辛苦，天時暑熱無冷氣好難頂。不過都係以前的事吧，之前學師知道做裝修辛苦，你應該都係一個唔會虧待伙記好老細。咁啦，一句講晒，我無野撈就出黎跟你搵食啦。『唔請呀，走開…』，請啦…烏烏…。哈哈…

你又知有Line 長呢樣嘢既？唔通你果陣又係同行？

佢係做插機既，我果陣修IF, 所以其實我成日只係調戲IF較機果個女仔，我地係大家背對背咁坐，中間俾通道隔開，有時我檢查唔出壞機既原因，就會擰轉頭走埋去佢身邊，放部機落佢個試機架度睇睇佢部示波器，我已經唔記得點解我自己位果部示波器睇唔到想睇既嘢，我記得佢部示波器有好似一座山咁、山峰上面有一點既波形，我想睇吓波形係點既樣，會比較易修理。

2010-07-24 00:00:09 補充：
哈哈！英雄無用武之地，我睇你都就嚟好似屈原咁抑鬱，好彩我轉行轉得快。

我記得FM果部IF marker scope個波形係打橫既S形，最高同最低位置都各有一點maker。

我冇計過換零件要幾多秒，我記得每日少則六、七十部壞機，多則有成三佰幾部，咁就會堆機，如果條line正常，我絕大多數都會清到機，成日都堆機實聽俾人炒魷魚。

有時清哂機太得閒我就會攞起三隻VC好似人地耍雜技咁拋高嚟玩，而家可以用兩隻手拋三個橙就係果陣練番嚟。

2010-07-24 00:00:23 補充：
我仲記得有一次靜靜雞收集咗成套AM-FM既零件攞番屋企改用萬用線路板裝嵌，心諗我喺條line度都識修理，又知道哂成部機既線路，自己制造一部都一樣可以啩？點知完全唔work，乜嘢反應都冇，直頭死機一部，我估計都係RF果part出問題，始終高頻既處理技術亦會被要求高d，可能零件既安排位置都已經唔掂，不過其實到依家我都唔明衰喺邊。

2010-07-24 00:03:27 補充：
我當時重複檢查過幾次，線路肯定冇錯，只係自己重新設計過零件位置。

2010-07-24 00:37:59 補充：
原來係咁，我當時又真係冇留意振蕩線圈頭尾既問題。

果陣志在情趣，而且零件每日攞d每日攞d冇咁揚。

2010-08-14 04:45:37 補充：
盲拳打死老師傅呀！個電視機主用一支牙簽插入開關制條罅果度，唔俾個開關制彈上嚟，搞掂。