求教5天倫敦斷續遊

1)
第一日通常最好簡單少少, 去個 British Museum 已經玩你大半日~~ 如果有時間可以去旁邊既 Covent Garden 同 China Town~~ 而且無記錯 British Museum 係位於地鐵紅線, 佢既其中一個總站就係 Eailing Broadway 所以都算方便~~
第二日就可以去睇 白金漢宮的皇家衛兵交接儀式 但就會早左少少, 咁同一日睇完交接儀式可以行落去 Westminster/Big Ben~~ 如果有興趣可以順便落去 London Eye, 再落就去到 Tower Of London/Tower Bridge~~ 而 Natural History Museum 如果有時間可以晏少少去, 因為日間陽光最靚既時候係戶外好~~
之後三日就 牛津/劍橋/溫沙 就各一日~~ 而劍橋因為都要出倫敦市中心轉車上, 所以會仲有少少時間比你係倫敦睇下有咩要睇~~ 想睇Musical就最好第一日買定票, 再安排係去 牛津/劍橋/溫沙 果三日既夜晚睇好似會好少少~~
仲有就係你要睇返 皇家衛兵交接儀式 既日期, 因為佢未必日日有~~ 如果唔係日日有咁行程方面就最好成個同其他日子既交換~~

2)
我又唔覺得太特別所以唔會話太建議, 不過如果你中間有時間既話去都無咩所謂既~~ 因為係 牛津/劍橋/溫沙 果三日除時都未必玩到全日~~

3)
係倫敦坐車想慳就好易咋, 買一張Oyster Card佢會有一個每日最高收費(過左呢個收費就係免費)~~ 而每日最高收費會因應你當日到過既地區(Zone)而定, Eailing Broadway 就係 Zone3 所以最多係收你 Zone1~3, 而收費全日/非繁忙(9:30am後)亦有唔同~~ 所以最好就晏少少出門口, 係唯一去睇 change of guard 果日一定會貴少少~~

4) 你如果坐紅線去到 Oxford Circus 轉藍線去到 King's Cross St. Pancras 就係, 車程應該大約45分鐘左右啦~~

5) 倫敦美食我就落Pub多, 佢地好多Pub開好早就已經有 Traditional English Breakfast 食而且都算幾好味~~ 一個早餐再加個野飲(咖啡/茶/朱古力)咁都係GBP3~4左右, 同你食個麥當勞早餐差唔到好遠~~ 而晚餐亦都可以落Pub食既, 如果有小朋友部分Pub會有家庭區比有小朋友既人坐~~ 其實英國出名既好多都係Pub食到, 再唔係行好多 Fish & Chips 都唔錯既~~