往大澳一日遊一問:)!

^^ 大澳一日遊?我都同男朋友去過呀^^
真係好sweet ga~
圖片參考：http://i4.uwants.com/u/images/smilies/default/icon23.gif

無錯呀, 睇日落, 海豚,真係爆浪漫ar^^

因為你冇講幾點出發, 我只可以做個冇時間ge 行程,
圖片參考：http://i4.uwants.com/u/images/smilies/default/icon27.gif

而且, 你會搭船入去, 定係搭巴士呢?
不如入去果時就試下搭船la,
因為...我覺得搭船ge過程都係一個值得回味ge.



首先要注要船期表...
你要由港島6號碼頭上船..
船費同船期表可見呢條link
http://www.nwff.com.hk/chinese/s ... ;From=25&line=H
由中環地鐵站行去香港站, ifc出口,有條天橋出碼頭,好易搵ga ja,
由港島搭去梅窩唔係好耐, 不過,為表示細心起見,
你可以準備d零食..飲品(水就最好啦~)
去到梅窩碼頭, 對住有個好大個ge巴士站,
首先第一步係去巴士站睇下幾多點有車開去大澳,
其實, 一日都有好多班次去大澳ga, 所以都係等一陣ga ja,
如果唔想即刻上車, 可以係碼頭間m記坐下先,
(因為怕你女朋友暈船浪, 需要d時間回下氣
圖片參考：http://i4.uwants.com/u/images/smilies/default/icon27.gif
)
車程差不多有一個鐘, 呢個時候, 又係你d零食, 水發揮作用ge好時機,
仲有...因為條路都幾騎驅,如果你唔介意,
帶定嘔吐袋, 香口膠,你可能會問我邊度搵到嘔吐袋,
所以, 我就見意你搭船,因為船上面有d免費嘔吐袋,
你搭船果陣就可以偷偷地帶走2個, (記住偷偷地)
圖片參考：http://i4.uwants.com/u/images/smilies/default/lol.gif

你要搭往大澳的巴士, 去到總站先落車,
所以, 你唔洗驚訓過龍唔記得落車,
一落車, 可以行下d水上屋先.
路程..由巴士站落車會見到好似有個碼頭咁ge地方,
呢個地方, 你要認住路,一陣會係呢度睇日落,
首自, 沿海邊行, (即係好似碼頭果度ge反方向,)
你會入左一個類似街市ge地方,係一間海鮮食肆隔離有條路轉入去,
會見到有條橋過對面岸,
過到去會見到有d煨野食, 可以食下野,
係果邊行下, 其實好多路都係單方向, 所以唔會迷路,
所以有1-2小時係呢度行下,食下,
1-2個小時後, 你地都行到累了, 呢個時候, 就去睇海豚啦,
就係你岩岩過黎果條橋ge下面, 就會有人兜搭你去睇海豚ga,
我記得, 我地當時睇係$20/per人頭,(唔係好記得,不過唔會好貴 )
記住準備水, 相機呀! 同海豚影張合照返黎俾我地睇下~
睇完海豚,有d口乾了,就返去巴士站, 唔係叫你走,
係巴士旁有間山水豆腐花, 係果一間就係全大澳最最最好呼ge豆腐花!
就係巴士站旁, 一落車一定見到!
圖片參考：http://i4.uwants.com/u/images/smilies/default/loveliness.gif

食完豆腐花, 又未夠鐘睇日落, 就入去前面屋村d公園玩下,
你係港島區有冇玩過搖搖板呀? 係呢度就有得玩啦~
玩完童真, 就行下個好似街市咁ge地方,有好多賣玩具ge鋪頭,,
再繼續你地ge童真!!!
我記得大澳好似仲有得食 蜜芽糖夾餅!!正!!仲有茶果呀!!
全部都係大澳出名ge小食...正正正!
食到差唔多4-5點啦,又行返去岩岩好似碼頭果個地方睇日落!
果度有條鬼死咁長ge路,,一路行, 好多情侶, 公公婆婆係果度sweet,
氣氛真係正爆ga~
圖片參考：http://i4.uwants.com/u/images/smilies/default/icon36.gif

完成呢個日落, 都肚餓得要死了,
你地會選擇留係大澳食海鮮餐?定係返去東涌搵間浪漫ge餐廳就贂你地喜好啦~
圖片參考：http://i4.uwants.com/u/images/smilies/default/icon22.gif

別忘記, 都要睇下幾多點有車返東涌or梅窩碼頭呀!


寫得好亂, 因為我諗起都已經好興奮la^^
希望你有一個sweet sweet ge 旅程la!!
圖片參考：http://i4.uwants.com/u/images/smilies/default/icon31.gif


其實, 係大澳如果唔想行, 仲可以租單車玩ga~
不過, 為安全起見, 你地都係留係屋村裡面踩好啦!
(呢度又係表現你細心ge一面ge時候la^^)

記住留意船期表, 車ge班次, (由其係回程!)

記住帶ge野, 水, 手巾or tissue, 零食,
記住"拎" 嘔吐袋呀!!

仲有, 我搵左條link係關於大澳ga!
你可以做下練習!
其實, 唔需要你去實地考察la~http://zh.wikipedia.org/w/index. ... 3&variant=zh-hk

去大澳, 如果搭船, 可以去中環港外線碼頭, 先搭船去大嶼山的梅窩, 每個鐘頭都有船, 船程少於一小時, 然後喺梅窩碼碼轉巴士, 巴士班次跟船班, 搭巴士大約30-40分鐘

大澳係個漁村, 無咩嘢玩, 行吓食吓嘢, 買吓鹹蝦魚乾咁囉, 或者去埋大佛, 然後可以搭360, 或者巴士去東涌, 喺東涌行吓outlets, 再搭地鐵走...