有關物業買賣確認人轉售問題???20點!!!

1. 摸貨冇得睇樓, 亦無得驗樓2. 原業主 a賣給 b, 而 b在合約成交日前賣給 c, 咁在成交日係先由 c送契及錢俾 b, 跟住 b送契及錢俾 a. a簽咗 deed後送俾 b, b簽咗後送番俾 c. 順便答埋你:“2個月通知”係當個租客或業主想中途退租 / 收樓先要行使, 並不適用於 “租客想在生約完結後續租” 或 “業主想在生約完結後收樓”呢两種情況. 成份租約在生約完時就自動完結失效, 租客不可以話俾“2個月通知”就續租, 業主亦不需要事先俾“2個月通知”先可以收樓. 任何一方想繼續租用該物業, 就要另訂新合約.

2010-07-23 15:55:46 補充：
B有1次驗樓. B可以帶埋C一起睇.

2010-07-24 00:27:21 補充：
C嘅合約係同B簽, 佢同A無合約關係, 點追A??!
C要追B, B就追A. 玩摸貨就係咁, 一個跟一個, 唔可以亂次序.

2010-07-24 00:33:52 補充：
B當然可以拒絕帶C驗樓. 事實上C係只可以以朋交身份睇樓. 因為B並未係正式業主, 佢係無權俾C睇 / 驗樓. 所玩摸貨無得驗樓係規矩嚟. 因此如驗樓發現有事, C正式計並不可以追究B, 佢只可以叫B同業主講有問題 (當係B自己睇到問題嘅). 如果B唔跟進, 佢吹B唔漲.

2010-07-24 00:44:47 補充：
我95年地產高峰期做過單康宏廣場摸, 摸咗5手, 共有7個parties, 6間律師樓, 由千四萬摸到二千一! complete果日第7人要9點鐘送契同票, 兩點幾業主先收到票, 到第7人收份deed係5點!

2010-07-24 00:47:54 補充：
都說摸貨除咗第一手外全部無得驗樓. 所以根本就係以 "as is" 直接成交.

2010-07-24 00:59:31 補充：
Eg. 業主A賣俾B, B摸俾C, C摸俾D.
成交日D先送契 (佢同C果一份Deed) 同票俾C (買家/ 租客永遠簽先, 因為業主永遠有最後決定權). C收到票(一定係律師樓票或本票. 律師樓票同本票一樣, 唔會彈) 後會送佢同B果一份契同票俾B. B收到票後會送佢同A果一份Deed同票俾A. A收咗票就簽份deed連鎖匙送番俾B. 而家B就係業主, 有權簽佢同C果一份契. 咁佢簽咗份deed就連鎖匙送俾C. 而家C就係業主, 有權簽佢同D果一份契. 咁佢簽咗份deed就連鎖匙送俾D. 咁而家D就係業主, 交易完成.

2010-07-24 01:01:10 補充：
玩摸貨就係咁, 一個跟一個, 唔可以亂次序.

2010-07-24 01:16:16 補充：
所以摸貨係幾高風險. 你要開律師樓票或本票俾上家, 但又唔可以先等下家嘅票清 (因為全部手續要在同一日完成), 咁就先要存咗錢入律師樓a/c 律師樓先會幫你開票 (律師會規定), 又或者你要先存錢入銀行 / 或有足夠財力令銀行信你先幫你開本票先. 咁樣一環扣一環, 如果其中有一個買家開唔到票俾上家, 咁就 "斷欖".

2010-07-24 02:41:15 補充：
yes

2010-07-27 22:33:24 補充：
confirmor物業交易要律師票或銀行本票, 銀行轉賬恕不奉陪. B要律師樓幫佢開票俾A, 先要存錢在律師樓(律師會規定). 或者B要銀行開本票俾A, 亦要先存錢在銀行, 或者在銀行有足夠信貸額.
但C跟B成交時, 係俾律師樓支票或銀行本票俾B. 呢d票要一日先過數(可以用), 即日係用唔到嘅. 所以如果B無存錢(或信貸額)在銀行 / 律師樓, 咁就算B收咗C嘅票, 佢都無能力開票俾A. 所以B係會有可能冇$跟A成交.

2010-07-27 22:35:11 補充：
摩貨交易係規定要一日內全部parties交易完成嘅.

2010-07-28 23:35:04 補充：
摸貨交易要律師票或銀行本票, 係因為摩貨交易係規定要一日內全部parties交易完成嘅. 而律師樓一般係下午4時先埋數 (即係攞當日嘅戶口結單去查吓有乜數入過戶口), 到時先可確認有銀行轉賬到位. 摸貨交易係 "time is of essence" 交易, 因此銀行轉賬是趕不及的. 而律師樓票或本票一樣係唔會彈票, 所以摸家 / 律師樓收到律師樓票或本票, 就可當作收妥款項論.

2010-07-28 23:38:23 補充：
普通交易交易無咁time sensitive, 而家有d律師樓係可接受銀行轉賬. 但通常規定3點前做. 咁律師樓4時埋數確認有銀行轉賬到位, 就會送鎖匙.

2010-07-28 23:41:49 補充：
3點前做 = 3點前做到, 即係見錢. 如果不同銀行用CHATS轉數, 要在12點前落打到, 先可確保3點前對家見錢. 如果同一間銀行轉數就無呢個問題.

2010-07-28 23:42:57 補充：
唔再在此答你啦. 再問就開新問題啦唔該!

2010-07-28 23:43:36 補充：
落打到 = 落柯打