買家屈我, 應該點做

我係個forum拍海報, 近日有個買家黎屈我,
當時係面交, 我仲同佢講清楚, d海報係新, 不過放得耐有d黃,
仲叫佢check清楚先, 之後有咩問題都冇得退.
佢當時仲check得幾仔細.

之後第二日, 佢突然話我賣爛海報,
仲係個forum貼唒相唱我,
大大隻字話"小心! 受騙了!"
相入面, 張海報背面有裂痕, 仲貼唒膠紙.
又highlight我msn話"d海報係新"嗰句
又highlight俾人知話我係新account, 新賣家

佢開始喺msn叫我郵寄退$, 我咪直言唔會退,
第一, 我d海報係有d黃, 但當時根本冇裂痕冇膠紙,
根本唔係我交易嘅海報
第二, 我當時有聲明, 所以有咩問題都冇得退

我堅持唔退, 仲問我sister意見,
我地都覺得唔應該屈服惡勢力下,
仲懷疑買家d相入面唔係我交易嘅海報,
其實想屈我郵寄退$, 而又唔退返貨比我

第二日, 佢見我唔就範,
不停唱我, 話我騙佢,
仲惡人先告狀係forum留言 "我俾個機會佢, 我遲d會考慮報警"
又另開個灌水貼唱我,
搞到forum d人個個信佢,
forum d人唔知事實, 仲幫口罵我,
我試圖澄清, 結果俾人罵 "唔通買家自己撕裂d海報屈賣家咩"
我都好想知點解佢咁做囉!
d客仲走哂添. 我睇住d罵我嘅留言, 欲哭無淚...

第三日, 佢見我依然唔就範,
好似放棄屈我了.
d假相就仍係度,
但係就改口話 "事件解決了, d $賣家遲d退"
又話"多謝forum d人支持, 唔好意思煩到佢地"
扮唒好人尋怨得雪咁

但我根本冇話退$,
件事變成佢自編自導自演,
宜家梗加冇人信我啦,
又冇人敢黎買嘢

我知道投訴無咩用,
但我又好心up, 無啦啦俾屈,
有d friend叫我以後交易錄低免責聲明嘅對話,
但如果同樣事件發生, 段錄音係咪真係幫到我?
有無咩同法律有關嘅方法,
等下次可以懲罰嗰d人??
我最唔想見到嘅係佢再去害其他賣家...

謝謝睇我掃苦嘅各位~