租格仔寄賣問題?

葵涌廣場人流多,租金相比太子旺角果d都較為平,地利人和都。
但最重要係睇貨品夠唔夠吸引,同埋市場策略。

你要諗一諗葵涌廣場人流係邊個階層嘅,e.g ol, 主婦, 定學生等
而你自己貨品嘅target customer係邊一類同埋佢地嘅purchasing power...

據我所知,之前葵涌廣場都好似有5,6間 or more
要睇睇你嘅競爭者多與少,佢地嘅selling price, 你嘅成本都要計算好避免惡性競爭

仲有首飾唔係必須品, 所以如果你嘅產品一定要品質高夠創意先會吸引到人黎買。
-------------------------------------------------------------------
之前我有fd係葵涌廣場賣LED化妝鏡,一開始由於市場未普及, 競爭都不多而好多買家都覺得新鮮,所以銷路不錯。但好快就四周圍都有同類型嘅鏡賣最後做唔住。

如果想做就一定要把握時間(快)在其他 競爭未有你有時賺左先,另外,得一隻貨品好好難長存,要搜羅唔同類別嘅產品減低risks。

送你一句:八成利潤來自二成貨品

其實無話行啱定行錯!只要你自己計吓數,搵唔搵到租同有冇錢賺,咁樣無論你租格仔舖賣什麼貨品, 都應該計到數,睇睇做唔做得過!如果只是搵到租,但冇嘜錢落袋, 咁我就勸你唔做好過做,做落去只會幫人交租,而幫唔到自己!你自己盤算一吓吧!