有關南非旅遊,入境問題,請有經驗之人分享thanks!20點

我剛剛去完南非睇世界盃返黎 1. 特區護照去南非免簽證可能始終唔多人去南非，d海關人員唔見慣特區護照，佢地碌barcode會見到話需要visa會問你攞，不過你同佢講你係香港黎，唔使簽證，佢地d職員會搞店。 2. 去乜地方，海關都有權要你show來回機票或者當地住宿地方。南非海關當時都有問下我搭乜飛機，巡例講兩句咁囉。至於錢就無問，呢個一般都唔係海關常問既問題。 3. 你去南非邊度？如果係Cape town，一般要響Johannesburg轉機架喇。如果去Johannesbury，國泰有直航。另外星航要HK>SG>JBG，如果Qatar就HK>Doha>JBG。仲有其他航空公司，你可以去agent問下。我相信一般消費者都視乎價錢而選擇。國泰好似7千幾，Qatar同星航都過萬啊！同埋唔係間間airline都每日有機飛南非，我諗仲要就返你想咩時間出發而選擇航空公司。 4. 香港換個rate比較好。但除非你特別同銀行訂，視乎銀行收唔收到，否則一般銀行都無南非現鈔。你可以唱美金／英鎊／歐羅去到當地換，但匯率絕對唔平！尤其係機場，RAN 7.05: 1USD。市中心既銀行／找換店好少少，可能有7.3 or 7.45。 5. 7月頭我去Cape Town，咁本身Cape Town係比Johannesburg既情況好既.. 治安比想像中好好多，地方環境空氣天氣各樣都好好。因為我都響市中心出入，好安全，街道好光猛整齊，街上有好多警察／保安等等既人駐守。我自己一個女仔都好放心。 但正如你去其他地方旅行一樣，每個地方總有d唔安全／比較雜既地方，香港都有啦，咁你夜晚入黑後唔好自己一個人出入。同埋平時都係隨身帶少d野，男士儘量d野放褲袋，女士唔到帶大大個手袋，相機電話唔好show出黎，唔好擺明成個遊客look咁。不過，真心覺得Cape Town比內地好多地方好。起碼大陸好多人，成日人逼逼，d扒手又多，仲恐怖！ 此外，去之前人地話南非d野平。但原來絕對唔平，可能因為世界盃啦，物價貴左。例如：大人世界盃tee原價RAN 450，小朋友約 RAN 2XX，一條手帶RAN 35。我地去當地比較高級既西餐廳食飯，一份牛扒都 RAN 98，一支酒都二三百蚊。但就算去街上既中國餐館，炒個小菜都成百蚊啊！ 另外要注意天氣。溫差好大，天氣報告話早上11度，下午25度。如果有太陽還好，都好暖，我著短袖都OK。但如果入黑，就大風+凍，我加件Columbia果d防風防雨既摟都唔係好頂得順，仲要帶頸巾。 如果你係去Cape Town的話，大家可以再交流下～Nice trip

1.香港特區護照係咪免簽證,去到就咁過關就OK?
係，香港護照免簽証。
http://www.gov.hk/tc/residents/immigration/
traveldoc/hksarpassport/visafreeaccess.htm
2.入境係咪真係會CHECK埋你D回程機票同埋有冇足夠金錢逗留當地架??
冇喎。=_=咩仲有國家做啲咁乞人憎嘅野嘅咩?
3.香港有冇直航去到南非個邊架?
有。
4.邊間公司好??
我去個次撘南非航空，冇個人電視。):
5.EXCHANGE係香港定南非換好D?
我個次去係機場唱錢。
6.USD OR RAND?
用美金。
7.去到個邊有咩要注意???
治安唔係好好好，唔好夜行同埋單獨行。