✔ 最佳答案
清洪 資深大律師
法律行業內打刑事非常出名，出名叫金牙大狀，但收費就．．．．．．
佢Office係中環帝納大廈15樓，電話：2526 2293
但係我好似唔可以係度post呢d資料俾你架喎．．．．
2010-07-20 18:25:42 補充：
peterchan師兄你好，因為唔知佢樓主想打咩刑事案件．．．又唔知他budget幾多，但清洪之前去過某大學法律學院講talk，佢個人都幾nice及幾掂，同埋我認識一間律師樓，係同清洪資深大律師有聯繫的，所以先介紹佢咋！
但請各位網友唔好再寄信叫我介紹，我只是在此答問題及討論而矣！請見諒，Thanks！
2010-07-21 21:31:39 補充：
Peterchan師兄果然講得o岩，樓主真係不是要呢一類頂級律師！
2010-07-21 21:37:20 補充：
你係打人先，定係被人打才還手？如果被人打而又有還手的話，在法理上雙方都需要承擔刑事責任，當然最終法庭是會考慮你是否因為必須要自衛情況之下而還手，即當時有無犯罪意圖！但要明白一點，就算自衛都唔代表無罪！（例如：自衛錯手殺人，一樣會被控告誤殺，不過就由法庭考慮是否判處最高刑罰）
而這情況，法庭會引用以下《侵害人身罪行條例》來作出檢控！
如果法庭相信你是有犯罪意圖的話，便會引用較嚴重的第17條及19條！
第17條（傷害他人或意圖令他人身體受嚴重傷害）最高刑罰是終身監禁！
第19條（傷害他人或對他人身體加以嚴重傷害）最高刑罰是3年監禁！
2010-07-21 21:38:25 補充：
如果無犯罪意圖的話（即相信你純是出於自衛而傷人），則或會控告以下較輕的罪行，包括：
第39條，最高刑罰是3年監禁！或
第40條，最高刑罰是1年監禁！
當然，以上是法例可判處之最高刑罰，如果法庭認為你是迫不得已而出手自衛的話，而又情有可原，是有機會係判社會服務令或被判無罪！
另外，你有無持有武器打人或還手？如果持有攻擊性武器的話，亦可根據《簡易程序治罪條例》第17條，可處罰款$5000或監禁2年！（酒樽在你所講當時的情況來說，亦是武器的一種）
2010-07-21 21:41:59 補充：
而且亦可根據香港法例第245章《公安條例》第33條，任何人士在公眾地方（包括處所的公用部份）及第2條，公眾人士。。。憑付費而獲准進入的地方管有攻擊性武器（可用作傷人的武器）而未能提供合理解釋或證明其有法定權力持有該武器，可被判監禁三年！
所以，你應該盡快將整個案發過程及證人（如有）等等資料，盡快搵律師徵詢進一步的法律意見，以保障你自身的法律權益！
其實我個人認為，你可以先隨意搵一位律師幫你處理基本資料先，然後才經慢慢搵一個認為幫到你的律師，這可以避免你無律師代表你的情況（律師真空的狀態）出現而影響你自身的權益！
參考: 本人現只專責勞資案件，出入法庭數百次！, 本人現只專責勞資案件，出入法庭數百次！
