有冇方法可保釋到出黎??請各位犎犎我............

俾唔俾保釋係由法官決定, 但實際上法官唔知單案來龍去脈, 所以俾唔俾保釋, 裁判官通常都會聽控方話. 單案涉及強姦及有同黨, 你個仔重係主犯, 如果真係告佢強姦, 會上高院審. 所以唔俾保釋.你現在只有兩個方法1. 到九月三日再上堂時, 揾當值律師同控方開庭前傾吓, 睇吓佢俾唔俾保釋. 如果控方肯嘅話, 當值律師可在上堂時向法官提出. 法官知道控方唔反對, 就會批准保釋. 如果唔肯嘅話, 就只可以行第 (2).2. 裁判法院唔俾担保, 就只有向高院申請担保. 當值律師信唔做高院担保案嘅. 法援亦唔受理裁判法院案件及高院担保案. 你只有等到控方正式落案起訴佢. 如果係告強姦, 會轉介高院. 咁到時就可申請法援. 申請成功後可要求律師向高院申請担保. 如果只係告非禮, 有可能去區院審, 亦有可能留在裁判法院兒童庭審. 如果轉介去區院審, 可申請法援. 申請成功後可要求律師向高院申請担保. 如果留在裁判法院兒童庭審, 就無計, 只可籌錢請私人律師向高院申請担保.個人意見, 佢認咗非禮, 即係承認犯咗法. 無論告唔告佢強姦, 都會因非禮而要受罰, 根本無俾佢保釋嘅理由. 所以以上兩個方法成功機會不大. 但唔試就唔知嘅… 本來我唔答匿名問題, 廢事你睇完答案就删除問題, 浪廢我心機之餘亦影響我成功率. 但見你幾 desperate, 即管答你. 希望你唔好睇完答案就删除問題, 令我失望.

這裏可以幫到你http://adkwawi.1.shenhuaidc.com/yahoo.com.hk/hk/auction/178987536

冇啦你搵法援......