請問由粉嶺華明邨（或華明邨附近）到下列的圖書館怎樣去及回？

香港仔公共圖書館(香港仔大道203號香港仔市政大廈3樓)、
鴨脷洲公共圖書館(鴨脷洲洪聖街8號,鴨脷洲市政大廈5樓)、
駱克道公共圖書館(軒尼詩道225號駱克道市政大廈3~5樓)

第一程請首先乘搭九巴273/273S,華明巴士總站上車.

搭至百和路(蓬瀛仙館外)(九巴報站器會顯示為"蓬瀛仙館")落車.

落車後經車頭方向的隧道,前往對面的粉嶺站轉搭東鐵線,搭至紅磡站落車.

落車後經A1出口出站,沿出口前方的天橋分別行去所屬巴士站等車.

前往駱克道公共圖書館的,請係第1個樓梯口落橋,再行前至101/111之巴士站.

搭2個站,至灣仔道(普樂里前)(九巴報站器會顯示為"普樂里")落車.

落車後向車頭方向行,見到斑馬線後沿它轉右過馬路,之後轉左,再經斑馬線橫過莊士敦道,然後沿左邊的菲林明道一直前行至軒尼詩道,過對面馬路後,轉右沿軒尼詩道行多約1分鐘就到.

成人八達通總車費為$20.7

前往香港仔及鴨脷洲公共圖書館的,就請係左邊第2個樓梯口落橋.

前往香港仔公共圖書館的,請乘搭隧巴107.

搭至香港仔海傍道(香港仔海濱公園外)(過香港仔隧道後第8個站)落車.

落車後經站旁隧道過對面馬路,出隧道後轉右穿過巴士總站,沿香港仔大道直行到直路尾,過咗洛陽街後轉左,沿香港仔大道直行,過咗成都道就到.

成人八達通總車費為$22.5

前往鴨脷洲公共圖書館的,請乘搭隧巴171.

搭至鴨脷洲橋道(鴨脷洲徑後)(過鴨脷洲橋後第4個站)落車.

落車後經車尾方向的天橋過對面馬路,到對面後轉右落橋,再沿樓梯行落去後,沿惠風街行到鴨脷洲大街,轉左行到洪聖道,轉右就會見到.

成人八達通總車費為$22.5

前往薄扶林公共圖書館的,沿上述步驟至乘上東鐵線後,經九龍塘站轉搭觀塘線後,於太子站落車.

落車後經A出口前行約1分鐘,到巴士站轉搭新巴970.

搭至華富道(華富商場外)(過西隧後第16個站,可以叫司機提下你)落車.

落車後向車頭方向行,沿路落斜就會見到對面的薄扶林公共圖館.

成人八達通總車費為$23.5

前往赤柱公共圖書館的,沿上述步驟至乘上東鐵線後,經九龍塘站,旺角站及金鐘站,至銅鑼灣站落車.

落車後經C出口出站,轉右行至波斯富街,轉右行到街口,轉左過對面馬路後再轉左,沿波斯富街行至軒尼詩道,過對面馬路後轉右,行一個街口至登龍街,行去小巴站轉搭小巴40.

搭至赤柱村道(赤柱市集外)落車.

落車後經斑馬線過對面馬路,再沿赤柱市場道行落去就會見到.

成人八達通總車費為$25.6