幾個關於去法國交流既問題

係法國開銀行戶口並唔係同香港一樣咁方便, 而且言語不同, 溝通存在困難, 而且銀行亦有每月收費, 所以除非你識得一 d 簡單法文, 否則開戶口未必係好方法, 而且你只去半年, 多一事不如少一事了. 你既錢銀安排係 ok 既, 帶約 2000 歐元過去, 剩底既可以用 plus 提款卡於香港戶口提款的.

如果你選擇開戶既, 就可以帶約 1500 歐元先, 應該足夠頭 2 星期的駛費, 包括交租交費用等等, 剩底既就去銀行打一張匯票, 去法國後用匯票入面既錢開戶, 一般黎講, 3 - 5 日後就會收到錢了.

household insurance 就未聽過. 但你需要為你自己買一份保險, 依樣問題你可以問返你既學校, 究竟半年期的學生係只需要旅遊保險, 定係要係當地買一份學生保險啦. 如果你有 household insurance 既法文名稱, 可補充.

你個張電子機票, 就係機票黎啦. 如果 agent 係 email 比你既, 請好好保存 email, 如果係 fax, 就 scan 左佢. check in 時, 將 e-ticket 連 passport 比地勤人員, 佢地就會幫你辦手續 check in, 然後比 boarding pass 你啦. 回程時六一樣, 依家唔會再出以前既紙張機票架啦.