自然安裝新買的洗衣機難唔難?

裝洗衣機主要是裝去水喉及接駁電源，好簡單！

歐洲機要高水位，條去水喉要二尺高至得，仲要裝返個汽隔，

否則渠的汽咪入了洗衣機，衫洗完就會好嗅！

現在買新機通常包免費安裝！

自然安裝新買的洗衣機難唔難?有乜要留意?

首先留意你係唔係一個識得衡量自己能力既人。
其次留意你睇唔睇得明洗衣機既安裝說明書。
其四留意洗衣機要安放喺水平地面。
其三留意你夠唔夠力搬洗衣機。
其五留意兩位真假博士所講既嘢。
其六留意你怕唔怕接駁途中俾水射濕哂塊面同埋衫衭，好似落水狗咁。
其七留意你怕唔怕水喉接駁得唔夠實淨，三個月之後爆水喉搞到要換哂全屋木地板。
其八留意你喺家庭中既權威，屋企人容唔容許你咁做。
其九留意你屋企人信唔信得過你，會唔會企正喺旁邊監工，隨時預備嗌交。
其十留意如果整到一半先至放棄，搵師傅執手尾，你怕唔怕屋企人笑。


2010-07-26 00:32:49 補充：
題主把問題延期，這表示自裝的去意已決，那你的資料就要詳細一點，否則大家想幫你也不知怎幫。
主動一點告訴大家你的洗衣機是大眼雞或頂揭式，來水喉及去水喉的情況，你有甚麼工具等。

難唔難要看甚麼人來做，師傅做當然唔難，如果係寫字樓的靚女，對佢來講就好難。你如果經常有做家居維修，樣樣識 D 的，可以試下自已做。

本來已經有插蘇位、入水喉、去水喉的，只是換機，相對就容易好多，接好入水、去水，插上插蘇便用得。

由零開始，乜都無，要新做，就好難。