✔ 最佳答案
我係中二升中三既學生,
英文唔差,
年齡應該同你差唔多,
希望可以分享下我既心得同埋可以幫到你.
學英文,
首先好多人都好憎英文,
原因係因為佢地唔識, 成績差,
自自然然就討厭/驚左英文.
要學好英文既STEP1,
當然就係去面對佢,
嘗試接納佢!
STEP2
當然就係著重文法啦,
我建議你睇多D英文書,
如果好多生字唔識既話先從英文圖書入身,
字詞比較簡單,
睇得多又記到生字又識左佢地經常用既作文方式,
最重要英文文法係可以從中不知不覺吸取!
遇到唔識既生字即刻查字典,
都係1個好好既方法.
另外,學好GRAMMER一定要做多D練習,
你不妨去書局買1,2本唔同出版社, 唔同程度既練習,
先做低年級既, 打好根基最重要!
STEP3
學英文唔單止得書面上既野,
仲有語言表達, 即係我地講既ORAL,
唔好諗住學校考試次次得過且過,
第時出去社會好既ORAL係好重要架!
有時面試可能仲會要求用英文添!
至於方法,
閒時睇多D外國電影,
買DVD最好啦, 有得較英文字幕,
不過慳錢既話可以上D大陸既電影網,
果D網日日都有新戲更新架!
RELAX得黎又學到英文.
同埋,
最好睇新聞既時候系明珠台睇,
學下D報導員流利既發音.
同時, 都可以留意字幕既GRAMMER!
當然, 聽得多, 睇得多, 聆聽都好D啦!
*回應番你既問題,
"我想買D簡易既英文書.
吾該講書名同係邊到有得買呀;
thanks` "
我建議你可以去公共圖書館借書黎睇,
英文書多數比中文書貴,
唔一定要買.
如果你本身英文唔太好,
可以去兒童圖書館,
入面有好多圖書,
程度都唔太高,
但係都可以學到好多野.
祝你學好英文!