警方用何方法找出要協助調查人仕?

協助調查人仕分兩類. (a) 係受害人或能提供資料人仕 (俗稱証人). 點解話要揾受害人協助調查? 因為有時受害人同報案人係唔同人嚟嘅. 例如有人喺街被非禮, 有市民見義勇為報警, 但警方到場時個受害人唔見咗, 咁警方就要揾受害人協助調查. (b) 係涉嫌犯案者 (俗稱疑犯).揾 (a) 嘅人仕, 警方會根據現場留低嘅資料打電話要求佢協助調查. 又或如果知佢係邊, 會去佢果度揾佢 (例如未成年女學生與人發生性行為, 俾學校社工知道咗報警, 警方會去學校揾佢). 如果乜料都無, 會通過媒體 (例如警訊)要求佢聯絡警方.揾 (b) 嘅人仕, 警方亦會根據現場嘅証據 / 資料查吓疑犯嘅身份, 包括疑犯樣貌身裁、指紋、錄影、笨賊留下手電等.假若警方知道嘅身份 (例如指紋、錄影或線人 / 古惑仔爆料), 就首先會通過不同渠道揾佢嘅ID no., 例如案底紀錄、車牌登記、手電號碼等. 然後首先會將個ID放上警方嘅Wanted List 及入境處嘅 Watch List. 當差人喺街查ID截到佢就會拉佢, 又或佢出入境時入境處就會扣留佢, 再通知警方派人去口岸拉佢. 第二步係根據佢ID去銀行公會查佢銀行戶口及去各電話商查佢手電登記, 從而取得佢地址, 再上門揾佢. 如果上門無此人, 會根據佢過住銀行戶口紀錄及報稅紀錄去查佢過往地址及公司地址, 再上門揾佢或要求佢公司提供佢資料. 再揾唔到人, 警方就會要電話商提供通話紀錄, 睇吓最近佢打出 / 打入最多次數嘅電話號碼 (例如女朋友 / 父母電話), 再查該號碼登記人及地址, 跟住就上門揾佢 / 揾登記人提供佢資料. 再先進d, 警方會要電話商合作, 提供佢電話喺邊個電話訊號發射接收塔出沒最多嘅資料, 再叫該區差人巡街時特別留意, 甚至出狗仔隊伏佢. 好多大單毒品案都係因咁而揾到個竇破案嘅. 香港有身分證, 科技又咁發達, 差人要揾一個人, 除非佢唔喺香港 / 匿埋唔用手機唔出街, 否則一定揾到.答你問題:1. 警方揾証人 / 疑犯係唔會寄信嘅, 除咗有交通違例交通部要求車主提供司機身份.2. 警方揾証人會電話通知. 但揾疑犯係唔會電話通知嘅, 廢事佢聞風逃竄.3. 見上文4. 不會. 警方嘅Wanted List 及入境處嘅 Watch List係無時限嘅. 大把 case係疑犯走咗佬, 十幾年後番香港入境時被拉.

2010-07-17 07:33:14 補充：
答得你咁詳細, 呢5分超值啦. 唔好睇完答案就 delete 問題, 嘥哂我心機時間呀!