我的無奈人生, 我將來條路應該點行

我由出生到現在都係好笨同反應好慢的人

由細到大讀書都好差, 特別係小學, 成日都呆下呆下咁, 之後人大了, 有了自尊, 想考好點, 開始發奮讀書, 但會考都只係得10分. 不過讀書都唔係一個問題, 中五後做暑期工先真真正正知道自己缺點, 我第一份工, 就比人話我學野慢, 做事唔集中. 無耐我就頂唔住經常比人責備, 做幾日就無做了. 個時我聽好多人講, 果間公司好多人做一兩日就無做, 所以我都没有放起心. 之後我重讀會考, 經我努力, 考到19 分, 升翻原本間中學, 但高考仍考得好差, 没辦法, 自己天份有限, 但知重讀對自己幫助好大, 所以決定再重讀高考. 這兩年暑假, 我做過好多暑期工. 包括文職, 侍應及廚房, 但都没一份做得好, 成日比人話我無記性笨. 我真係好無奈, 我知自己有尼個缺點, 但唔知點改變自己. 我不能和別人分享自己的心事, 有誰想比人知自己笨? 没有人想自認自己笨, 但經歷左咁多, 不得不認自己這個缺點.
之後我高考之拿到1d4e, 算, 自己努力過了. 最後入左讀副學士會計, 我個人比較內向,所以諗可能會計岩我d. 副學士成績又出奇的好, 但我諗都只係我比人努力, 因為好多同學都係hea讀. 這兩年很多同學都看出我好像很不開心, 好多心事. 但我又點會講自己咁無奈ge經歷, 唔想自認自己笨. 我好清楚副學士成績好過人都無用, 我出來做野一定比人差.
之後讀完副學士, 成績都ok, 但就升唔到本地大學, 只好報返個top up　ｄｅｇｒｅｅ　讀．　現在這段時間又係我最怕時間，　找暑期工！終於給我找到份文職，　但我最怕的事又發生了，　同樣比人話學野慢，　無心學，　做野慢，　我知道我的同事都不太喜歡我，　但我同自己講，　我要厚住面皮繼續返，他們不满意我工作能力我没辦法，但我要對自己負責任，　盡自己能力就得．如果我現在放棄，將來讀完ｏｖｅｒｓｅａ　ｄｅｇｒｅｅ　又如何？
其實我這幾年都不繼想找出問題所在？是否自己專注力唔夠？定成日諗大多?還是有病或者營養不足(我個人唔多鐘意食野，　好瘦），　我有諗個自己係唔係有過度活躍証（ａｄｈｄ）　又或係其他，　我也有諗過自己係唔係右腦太弱，　曾經想報ｄ訓練右腦ｇｅ記憶課程　及買尼ｄ書，　但最後都係放棄，　總覺成人個腦都定形了，　還練什麼 ?
現在尼份工我挨得就挨，　最驚係１年半後ｔｏｐ　ｕｐ　ｄｅｇｒｅｅ畢業找份長工發展．好似我尼種人繼續讀書都無乜用，　將來都唔知會唔會比人笑我高分低能．　我現在讀緊會計，　將來做會計情況可能仲差ｔｉｍ，　我驚自己讀左三年會計最後發覺完全唔適合自己．　
我將來應該如何是好尼？
或者這未來１年半讀ｔｏｐ　ｕｐ　ｄｅｇｒｅｅ　其間要做咩改變準備正式投入社會？？