孔雀魚的一些問題?

好簡單!你要確定你的孔雀有没有摺尾,如果沒有,我教你一個方法,包掂!
你每30公升水落2匙黄鹽,食飯盒果隻匙,快的話幾個鐘d孔雀就會好活潑游水,慢則1日左右,如果你沒有黄鹽就用食鹽,份量一樣,黄鹽去買魚器材的店就有得買,放心啦!d鹽唔會整死你d魚架,因為鹽有一d物質比條魚,條魚先可以健康成長架,任何淡水魚都要落鹽先至好養,唔係好易死架,換完水記得要加番d食鹽呀,如果你落完黄鹽之後d魚好番,你就每日換1/3水加番食鹽,直至d水清番就可以了,記得之後換完水都要加番d食鹽呀,換1/3水大約加番1匙食鹽,多d小d無問題,呢個係以30公升水來計,如果你個缸小過30公升或者大過30公升,就要自己計下落幾多,以這個比例計算,放心!落多左d都唔會有問題,希望你的魚兒早日康復。

有冇魚缸設備既詳細資料??
就咁我好難睇到有咩問題,而且未必一定係病,可能設備問題~

1他們一直在上面呼

呢個就似係缺氧、水質差既情況,通常都係會浮上水面吸氣,
就要睇下你有冇裝濾水器、氣泵,以及有冇超養.
超養係會造成缺氧問題,所以一定要正視問題,
通常新手心態經常都想「養多d養多d」..咁係完全錯晒
長x寬x高(cm)．/．1000 = 水(升)
長x寬x高(吋)．/．62 = 水(升)
以上就計得出魚缸容水量,咁你就知道魚缸可以養幾多條魚,
一升水養一條約3-4cm左右~

2有些母孔雀魚一直在下面不動

先看看母魚肚子有否脹大,咁既情況可能係懷孕,
冇爛尾、有食慾、冇病徵,似乎都係懷孕多,
不過都要睇清楚先可以判斷得到,
而且部分魚可能都係習慣左咁樣休息~

如果缺氧,咁你要隔開部分魚隻,直至養魚量去到魚缸可容納既魚量,
否則好快有魚跳缸或缺氧死亡!!
至於水質差,咁你要洗洗濾水器,再換換水,如果有底材(沙、石春),
那就更需要去大洗魚缸,通常污糟野都積係沙可中~
懷孕者,你要搵生仔兜(繁殖箱)去隔離,直至佢地產下幼魚~

2010-07-17 18:25:09 補充：
魚缸幾大?? 會唔會係超養??
石塊係只係一、兩舊裝飾,還是係底材,密鋪缸底??
打水氣既風扇,我唔明係咩黎....
散熱風扇定係d咩黎..??
魚隻冇病冇痛就唔應該落藥,咁都會有影響!!

你D母可能生緊！同在上面呼吸冇問題。