借錢唔還想報警同告上小額

報警只係在刑事方面作出檢控，並唔係幫你追回欠款，而且暫時仍未構成刑事罪行，例如：《盜竊罪條例》第16A條的欺詐罪，隨非能證明債仔有欺詐你，但因為佢只係借錢唔還，所以唯有用民事途徑追討！！

最終是否可以追回欠款仍是未知數，但你可以用合法途徑入稟小額錢債審裁處 向對方追討，而雙方是不可以聘請律師，所以無需擔心律師費問題，因為訴訟雙方必須要親自出庭指證及抗辯，但你係告人（即係原告），你便要負起舉證的責任，你要預備例如一Ｄ對方借你錢的證據，呢方面你會有一定的難度，因為你又無寫借據。。。。。！！

另外，你必須要知道對方的中文或英文全名及地址才可，因為法庭要派傳票俾被告傳召佢出庭聆訊！如果你並無對方全名及地址，法律就幫你唔到了，所以你要想盡辦法明查暗訪被告的姓名及搵到佢的地址！！

而已剩係有來往的SMS很難證明佢借錢唔還，不過如果你暫時沒有證據借了錢給被告，但又知道佢的姓名及地址的話，你亦有權可以照樣入稟法庭先，因為在法律上你有權聲稱被告欠債不還，到時如果被告如期出席聆訊的話，再慢慢留待在出庭時在宣誓的情況下，再質問對方，隨非佢唔出庭，或佢夠膽在庭上及宣誓的情況下仍對住法官說無借過你錢而俾假口供！

而入稟的方法唔算複雜，你只需要在辦公時間內前往小額錢債審裁處的登記處填寫表格1及表格2，並繳交指定費用，而你的情況只需繳交40元便可以！然後你會收到法庭俾你的出席聆訊通知書，你只需要依照日期準時出席聆訊便可！

小額錢債審裁處地址：香港灣仔港灣道12號灣仔政府大樓4樓

而辦公時間如下：

星期一至星期五
上午九時至下午一時
下午二時至下午五時

星期六
上午九時至中午十二時

需然最終未必可以追回欠款，但你只需要付出幾十元，而法律上又賦予了你的權利及提供了小額錢債審裁處這個（在規則和程序較大部分其他法庭寬鬆方便快捷的法庭） ，俾你有機會討回公道，如果你朋友仍然不肯還錢的話，呢個簡便快捷的合法途徑值得一試！

希望解答到你的問題。
如仍有問題，可到我以下的個人網誌：
http://hk.myblog.yahoo.com/david-lee

小弟有少少實際建議，你識唔識佢d親戚朋友 ? 你覺得佢會最怕(最唔想)你對邊個人講佢借你 $唔還 ? 如果你唔識佢身邊的人既話......你知唔知佢有d咩死穴?死要面 ? 我覺得你想過返d $就要針對性做野。

而佢做邊行 ? 公務員 ? 自僱 ? 你知唔知佢住邊同邊個一齊住 ? 係邊返工 ?

最後，如果你知佢住邊or係邊處工作的話，可以考慮下搵個律師寫封信追佢還 $(費用500蚊都有交易)，嚇嚇佢話唔還$就告佢破產。

不如你講多少少條友d 背景.....再諗諗有咩方法啦...

私人債務，如不涉及刑事，，警方不會受理，；如自己為有足夠理據，可自行向小額錢債法庭申申訴，詳情瀏覽下列網頁：
http://www.judiciary.gov.hk/tc/crt_services/pphlt/html/sc.htm#1