買樓同男家家人住?

你嘅問題咪係你住喺你男朋友屋企，佢以為你習慣同肯同佢屋企人一齊住呀．

佢根本留戀返到屋企乜都唔駛佢理，唔駛佢煩，衫有人幫佢洗，地有人幫佢拖，廁所有人幫佢抺，廚房有人幫佢煑定飯返到屋企坐喺度等食飯，再加上你肯入住，以後就算佢亞媽有乜東瓜豆腐，你咪係後補上囉，咁家庭責任，佢係越諗越著數．

但係你呢，初初囉，對你客客氣氣，但係日久或者有咗細路，就唔再係果支笛，你唔肯做家務都會有人呻你嘅事．到時你得個嬲字，同老公講乜都冇用，做嘅又唔係佢，佢只會乜都唔理．

寫你個名好似對你好好，有保障，但真係有事，佢屋企根本好難搬得走，你賣咗層樓抑或叫你男朋友比番市價你呢，好麻煩呀，又唔係小兩口嘅事，成屋人都係佢屋企人，有鬼人企喺你果邊咩，咁你有鬼著數呀，而你結咗婚咁邊個負責供樓先，首期邊個出呢，係你自己同男朋友，定抑或全家齊齊呢？萬一有人失業咪冇錢出供樓？

到你同男朋友結咗婚閙交仲死呀，你離家出走呀？咁佢唔理你咁點呀？咁佢咁多屋企人你喺度同佢嘈過呀？咁佢屋企人喺度，佢又唔SAY SOORY，咁你點呀，我都親眼見自己個細佬激到老婆半夜走人啦，咪又係佢自己持住住喺自己屋企，冇理佢老婆啦．

你最好同你男朋友講清楚怕結婚有兒女要同人一齊住，或者喺附近買層樓，方便就腳返屋企或者生細路都有多啲人幫呀，但係相處好同住難，唔係親身經歷唔知死呀．

不知道妳男朋友有什麼不便， 不可以用自己的名買樓 ？ 家和萬事興。 他的家人整天吵吵鬧鬧， 再加上酗酒的爸爸及將來小朋友的哭聲， 所奏起的另類交響樂， 準教婚後的不快增加 …

至於這 2 個問題 …
1. 供樓用我名， 我去借錢， 如果万一我同男朋友分開 … 我點供得起
‧ 還有， 萬一他又突然搬出 1 個不便理由， 請妳想辦法暫時獨力供款， 妳又如何 ？
‧ 假設真的不幸分開， 妳又如何請他的家人離開新居 ？ 請人容易， 送人難呀 ！

2. 男朋友話有錢先搬，幾時會有錢呀， 月月供款,點都唔會搬得走囉
‧ 妳說得對
‧ 但為什麼是供樓的那個搬出去 ( 假設有餘款 )？ 他希望家人家居條件好些， 肯定要搬的不是他們 …
‧ 搬去那裡 ？ 再供 1 個新的單位或是租 ？一動不如一靜， 向他建議繼續租房子住， 然後申請公屋， 看他的反應如何 ！

相見好,同住難.
最好的方法都是你二人租或買一個租得起/供得起的細細單位,避免單位大而男朋友家人有借口搬入來住.
當然,你男朋友和你組職家庭後,也要供養他自己家人和你啦.
請計清楚及三思而後行,
不要養男人,是男人養你,知道嗎?

通常去到結婚前就好多呢d野要煩
呢d私事始終都係自己先解決得到
不過我覺得如果未諗掂既
可以租屋住住先丫
都傾掂晒先至真係買樓供
你講得冇錯呀
只寫你名剩係得你供其實你係有風險架
取決於你係咪真係信得過e+呢個男朋友