點解有時夜晚會聽到樓上傳出波子聲(急!!20分)

你只不過係聽到樓上傳出波子聲, 我以前工作時住果啲賓館, 半夜三更聽到建築工人釘鐵釘, 鐵錘釘木聲, 只有夜晚淩晨一點過後, 更加厲害, 你注意時就聼唔到, 人多時又聼唔到, 等你落單時至有聽到, 問你怕未, 最後 。 。 。 。 。


2010-07-14 22:58:43 補充：
結果我就同賓館既主人講好，我幫你檢查，你就俾我住免費賓館，工錢就照收，佢立刻答應，仲大請我大食一餐，第一晚真係有聲，但係就係查唔到，因為你注意時就聼唔到聲，人多時又聼唔到聲。

2010-07-14 22:59:40 補充：
鐵錘釘木聲,

2010-07-15 05:28:58 補充：
第二晚半夜，訓到兩點多啲突然尿急，醒來時啲鐵錘釘木聲響不停，又尿急冇變啦，屙完尿就立刻沖水，以為沖完水至檢查邊度響，點知，響聲又冇咗，一下睡意全消，走去雪櫃攞罐啤酒來飲就一個人慢慢飲，半個鐘後，開始有一聲兩聲，係後座廚房方向響，我就立刻走過去，經過廁所時又有兩聲，唯有停下來慢慢聼，原來係廁所響。

2010-07-15 05:34:21 補充：
唔通廁所有人？係廁所唔係屙屎屙尿，為咩事有人係廁所釘木？可能係 915 釘緊另一樣嘢？

2010-07-15 05:37:53 補充：
因為神鬼對我冇效係因爲我曾經食過三六肉，但係該聲音仲係有，就證明唔係神鬼類啦。

2010-07-24 07:11:39 補充：
哈哈！ 原來有咁多人有識之士，我只不過係換咗個儲水箱個水波就搞掂咗，完全係由於水喉内水壓既問題，與某一間屋既水龍頭，水閥等配合而發出既聲音，明未呀 Oliver_915

2010-07-24 09:24:47 補充：
信不信由你，不過錢就已經收咗同埋用嗮咗，

唯一可以解析解就係 ：
1。晚上水壓比較強與水波浮力相撞而得到既聲音。
2。與隔離既水龍頭，水閥同頻共振。
3。當我用過廁所後，又開過水龍頭放緊啲水後導致頻率唔同，所以我用過廁所後聲音晤見咗。

2010-07-25 08:38:48 補充：
網上贏輸冇關係，明晚輪到你既屋企響

2010-07-25 08:48:10 補充：
到時可能係915大鎚係到(用佢既大釘)釘緊嘢

解開 "樓上波子聲" 的 異象
近日才知道，原來「樓上波子聲」很多時是由於人家（或自家）開關水喉所引致（尤其是關水喉）。在開關水喉的時候， 我們一般都是一下子扭開或扭緊，而不是慢慢的開、慢慢的關。由於突然的開關，水管內的水壓突然變異，管內食水很自然會有波動(water hammer)。如果這個波動很大的話， 喉管會震動，傳到大廈牆身時，震動聲則會化作「波子掉地聲」。（聲音清脆程度視乎牆身物料而定）工程師在設計喉管時一般會考慮到此問題，除非在用水量非常低的時段，波子聲通常都可以避免。在用水量低的時段，同時用水的 單位不多，在夜深時份，更可能整幢大廈只有一個單位用水。如果該單位處於大廈高水壓供水位置(一大廈由天台水箱供水，低層住戶的水壓會較高），當住戶用水後一下子扭緊水龍頭，管內回湧會非常大，（可設想： 你奮力衝向一個出口，正當你快衝過的時候，門突然關上......你可能會變「豬頭炳」）由於沒有其他單位同時用水，回湧得不到緩衝，波子掉地聲就很可能會產生。如果你聽到波子聲的頻數非常高，而你的鄰居又沒有掉波子，那麼，你所住大廈的供水系統很可能已出現問題。喉管長期抵受強大水壓回湧是會導致喉管破裂的。

題主唔使焦急，的確有人硏究過發覺有可能係夜晚氣溫下降，牆內水管或電線管收縮同牆壁碰彈發出既聲音，我亦睇過有關資料，亦有人話係鋼筋收縮，我亦都親耳聽過幾次波子聲，嘚嘚聲幾吓之後就冇咗。
其實唔使理真相係點，你只要識得思考一樣嘢就唔會驚﹕波子聲已經存在咗大半個世紀以上，凡係高樓大廈都會有人聽過，平房唔會有呢d聲。如果係鬼點解永遠總係波子聲而唔會係第二d聲？點解高樓大廈至會有，地面既屋就唔會有？點解永遠都係咁死板既聲而唔會有任何變化？
一定係由一d未知既物理變化因素所發出既聲而唔會係鬼。
你不如將問題再post去工程學版，呢一版比較多建築業既朋友，你問吓建築界既專家，樓宇牆身入面藏咗d乜嘢，等佢地幫你分析吓啦。

2010-07-14 21:15:07 補充：
人蠢冇藥醫博士﹕我可唔可以簡稱你做蠢博士？其實冇乜嘢既，就好似d人會簡稱中華電力公司做中電一樣，只係為咗稱呼方便啫，冇乜特別含義既。
蠢博士你有冇搞錯，題主本來都已經驚到鼻哥窿都冇肉你仲要再嚇人地，你知唔知人嚇人係冇藥醫架？你知唔知如果嚇死咗人你係賠唔起？你到底有冇良心架你？良知何存呀你？
蠢博士你到底識唔識人情世故？你可唔可以等到下次有靚女喺我身邊果陣先嚇個靚女等佢驚到好似八爪魚咁樣攬到我實一實？真係想唔話你都唔得。
蠢博士除非你講果d嘢係真既啦，係真既就唔怕再講多d等題主知道你只係同佢互相作經驗交流而唔係一味存心靠嚇。

2010-07-24 07:39:09 補充：
唔明，換咗個儲水箱個水波係唔會改變水喉内既水壓，配合番某一間屋既水龍頭，水閥等一樣會發出聲音，所以其實你係搞唔掂，我唔信你，你講大話。

2010-07-24 22:14:33 補充：
解釋都係牽強，不過無論如何信你一次咁多啦，咁次當係你贏啦！

唔使擔心,有科學根據的!
係d管熱漲冷縮所致,先會發出疑似波子聲,不是傳聞的小朋友玩波子~