急！同朋友係香港去邊到玩最好？

可以去旅發局網頁睇睇，本人建議可以去尖沙咀香港歷史博物館同隔鄰科學館又或太空館，註:逢星期三全部免費入場，昂平360，昂平市集、寶蓮寺、尖沙咀星光大道，尖沙咀碼頭乘小輪過香港，又或香港山頂，黃大仙廟、沙田或西貢車公廟、又或去長洲，(農曆四月初八、西曆5月2日長洲島飄色巡遊、搶包山，大與山大澳、長沙或梅窩。必坐交通工具：天星小輪：廉價方式暢遊維港兩岸，香港電車有100年歷史之交通工具。山頂纜車上落太平山的特色交通。晚上8點睇幻彩耀香江同影相。蘭桂坊。卡啦ok、Disco兼食打冷或其他港式茶餐廳等等。潮流集中地區：太古、銅鑼灣 (百德新街 / 記利佐治街 / 京士頓街 / 霎東街 / 波斯富街)、尖沙咀 (加連威老道) 、旺角 (西洋菜南街/山東街/登打士街) 大商場、至於百貨公司方面海港城全港最多品牌匯集的大商場。東薈城名店，名牌店的Outlet特色購物地：「女人街」或廟街： 呢啲都係鬧市中的夜市。
有特色的夜市波鞋街（旺角花園街）運動用品最齊全。全部平靚正，或不如去鄰埠澳門都得。

http://www.discoverhongkong.com/tc/attractions/sightseeing-guide.html

你可以同朋友去大埔大尾督踏單車,晚上係果邊食泰國菜
(有間忠誠幾出名),之後你地可以行上水塘散下心.唔好禁貪心啦,太趕玩得唔開心:

你可以
1)白鷺湖互動中心 (的士)

2)香港鐡路博物館 (略近太和站少少,你步行去啦)

3)大埔海濱公園 (大埔中心步行過去約15-20分鐘)
我覺得這個冇咩特別,有個回歸塔,如去影相可以!

4)大尾篤踏單車 (巴士都幾慢,想快20C號線專線小巴到大尾督總站落車(大埔中心有得 上車)
這個可以玩成日,係度可以踏單車/釣魚/燒野食/行下水塘,附近有其他餐廳食飯

大埔中心果邊有好多野食,西餐(oliva),rainbow,滿記 (dessert),仲有撈出前一丁(唔記得名,係昌運中心地下),after five (飲酒-太和) - 到時你在行下啦!

介紹你去遠離繁囂、自成一角的浪漫的屯門 黄金海岸 ，果度的 酒店自助餐同巴西燒烤都好有口碑！ 如果可以在果度住一晚就仲正！可以在沙灘上漫步和數星星......4月份酒店的價錢是$790元一晚，不過星期六晚通常都好曝，咁遲先訂未必有房。
你可以試下去大埔海濱公園、南生圍、白鷺湖互動中心等等~

以下網頁可能幫到你, 有好多各區的好去處~

http://www.suetsuetcat.110mb.com/index.htm


我嘗試用我的經歷幫你Plan下~
我試過去白鷺湖互動中心同男朋友影左半日相, 之後番沙田食dinner, 因為大埔冇咩野食, 反而沙田多d野食又可以shopping~ 嫌商場多人, 我地會走去月明村的茶餐廳叫送食飯~ 沙田又有好多地方可以影相同談情~

另外我亦試過去尖沙咀前水警總部影相, 之後晚上可以去查理布朗coffee shop 食dinner~ 又可以影相~ 又或者去文化中心底下有間cafe muse 食buffet~ 超抵食~ 不過最好預早半天book 位~

詳情都係睇下上面條link啦~ 我都記唔到0甘多~