修補防火膠板衣櫃的方法

反正都屈斷左，黐返會利口介手，又舊舊地，我覺得換晒成塊重好。

損壞的整塊撕下，稍為整理個底至平滑後施工。

可選以下方法：

買家私貼紙貼回。------花式選擇較少，容易做，無污染。
買牆紙貼回。------款式花式多可配色，容易做，無污染。
買防火板貼回。------未做過的不建議，剪口位難做，要用萬能膠，少少污染。
油漆。------想靚唔容易做，要用天那水之類，少少污染。

以上方法都可，所有東西在旺角新填地街一帶有售。





2010-07-14 16:55:42 補充：
我只不過係二打六，還看其他裝修師傅有乜好建議。

2010-07-14 16:57:42 補充：
問得咁詳細，有乜關系呢？

2010-07-15 00:13:45 補充：
甚麼是"生櫃側"，即是做一件靚板加在爛左的櫃板上，直接遮左佢？

2010-07-15 09:47:51 補充：
但係題主 DIY 可能都好吃力啊！唔係師傅，冇乜工具、又要刨又要收口，除非訂做，做好黐上去。

2010-07-16 10:06:51 補充：
咁，一係求其 D ，就當佢牆咁做，搧灰黐牆紙。
或者幫襯你攪件生櫃側上螺絲，快靚正，唔知老細你、大雞食唔食細米唶。

2010-07-17 13:29:18 補充：
哈哈，我呢個二打六的方法，都有專業師傅認同，呢 10 分都應該屬於我的吧。

膠板爆開的位置是否在側面的櫃身？你的衣櫃門關上時是冚著櫃身邊位(即冚口門、也有人叫明冚門)或是與櫃身邊位齊平的？(即內櫳門)

2010-07-14 21:41:33 補充：
如果係冚口門，可以加一件生櫃側，好睇d。

2010-07-15 01:15:40 補充：
全中，分件上樓既衣櫃有時都會用生櫃側令到上下層接口位見唔到。

2010-07-15 22:15:13 補充：
你又全中，就係訂造，度好呎吋做好擺上去，由內櫳入面收羅絲收出嚟，唔好收穿外面突咗出嚟就得。
其實如果講難，無論點整對佢嚟講都係難，撕下整件膠板一d都唔易，師傅一般要摌開口用個唧水壺唧天那水入去先撕到膠板。

2010-07-16 05:49:35 補充：
嘉誠所講用木膠粉既方法亦唔易，木膠粉好慢乾，「吻」咗木膠粉既地方要用木枋或其他長條形既嘢加一塊木板之類既嘢頂實，用膠紙唔掂，否則膠板唔會貼實櫃身，爛咗個度會彈起少少。除咗木膠粉亦可以用釘膠，快乾d，不過一樣要頂。

2010-07-17 06:30:34 補充：
幫襯我亦可以，可以配番一樣既防火膠板，不過2呎X8呎都要五佰元左右，旺角東達貨倉附近自取，直接俾錢中港貨車司機，由頭到尾我都唔會現身，我只會喺呢度非常詳細咁教題主點做，由如何度呎開始，E-mail個圖俾我，直至完工為止，但題主要有電鑽或電動羅絲批其中一樣工具。

如果唔想化錢喺呢個櫃就一於搧灰黐牆紙啦，搧好灰之後d灰最好索光油，牆紙四邊最好加白膠漿，櫃身近門邊甚至要用純白膠漿，冇咁易甩。

五金鋪買磅木膠粉，是用水開，過你要慢慢加水，杰程度象
煉奶一樣，用漆鏟＂吻＂落櫃身和膠板面，然後用濕毛巾抹淨，再用厠紙抹干，再用1寸 膠紙把雙方粘實，隔日把膠紙拆掉即完工。
如果真的要買膠板重新粘過，我想你造不來，要用很多工具，如你
一定要做，本人可再教你。