女友說要冷靜 , 可以點

大家好,
我同我女友一齊左3年喇 , 我係佢第1個男友 , 其實一開始我對佢唔係話好好 , 皆因我唔係非常中意佢 , 所以我認我好唔稱職 , 但佢仍然會對我好好 , 不離不棄 , 我有咩佢都會support我 , 日子耐左 , 我已經揀定左佢係我最後一個 , 佢亦都知 , 我d朋友果d都知我會娶佢 , 準備幾個月後向佢求婚 , 但突然1個月前佢話想分手 , 毫無先兆 , 分手前幾日佢仲話好掛住我 , 叫我得閒打比佢果d , (果陣佢同family番左大陸) , 番到黎佢都有等我放工 ...

我shock哂 ....我問佢發生咩事 , 佢話我地唔甲 , 我問佢點解會突然覺得唔甲 , 佢話其實一早唔甲 , 亦有同我講過 , 但我可能get唔到 , 但都應該有導火線 .....

我平時放工已經好攰 , 未必會有心機去哄佢 .. 最後佢話要散 , 我問佢可唔可以收返 , 佢話唔得 , 我唔想咩事都未知既時候就比人判左死刑 , 最後係佢搬走前 , 我不斷挽留佢 , 叫佢諗清楚 , 佢話好 , 但叫我唔好搵佢 , 我雖然好唔想 , 因為我覺得無用 , 但最後都尊重佢 , 幫佢執野 , 送埋佢返屋企 , 佢話對我已經好以前咁愛 , 得罞好少好少 , 日子過左一,兩個星期 , 佢搵我 , 我以為好番d , 之後放假同佢去左澳門 , 3週年果日去左長洲都肯 , 佢唔見左我個相機 , 攬住我喊 , 因為佢一次去旅行 , 影左好多好多相 ..... 我痛心唔係因為部相機 , 而係佢唔開心 .... 期間係e個月 , 我做左好多令佢開心既野 , 第一次整cake, 周圍去搵一對佢之前好中意但無咩size既鞋等等 ,
佢好surprise好開心 ...

直至前幾日 , 月尾工作壓力大左好多 , 心情差左 , 無對佢十分溫柔體貼 , 佢突然又話想冷靜 , 我問佢做乜事....佢話"之前講明左冷靜咖 , 比d時間我啦" , 又話我無變過 , 我心諗 ... "係妳打比我咖wor , 我已經無搵妳喇 ..." , 我一個月心情唔好兩日,無對妳好好=無改善??? 但知道如果同佢講 , 一定無好結果 , 甘最後我又再無搵佢 ...

咁其實 , 佢想點 , 我可以做d咩 , 我已經好比心機去改我d壞脾氣 , 佢其實係點諗? 我應唔應該搵佢 ...
我有d朋友叫我唔好give up , 默默對佢好
亦有d朋友 , 叫我唔好理佢 , 佢搵我都唔好理 , 等佢驚 , 等佢緊張

甘其實 .. 即係點 , 我好煩惱 , 我成個人無哂心機 , 因為我做d咩既原動力都佢 ,平時努力工作係想快d草錢買屋比佢 , 同佢去多d旅行(佢屋企無乜錢) , 我一個去trip都係先買好多野比佢 , 佢一個人既野多過我成屋人既野....

我唔想無左佢 ... 真係好唔想 ,, 我好之前後悔無對佢好 ...
失去才懂珍惜 =[ pls help me