請問..上水有冇車去元朗磚窰 ???

元朗石崗上村錦田公路641號係一間叫亞積邦建設機械有限公司地址。
有3條巴士路線較近。
九巴251M錦上路鐵路站 <> 青衣鐵路站 車費成人$8.8
如由錦上路鐵路站搭車, 上車後第18個站(錦田公路磚窰站)落車, 落車後向車尾方向行1分鐘, 見到亞積邦個大招牌, 對面馬路就係錦田公路641號亞積邦個辦公室。
如由青衣鐵路站搭車, 上車後都係第18個站(錦田公路磚窰站)落車, 落車後巴士站後面就係。
九巴51M荃灣(如心廣場) > 錦上路鐵路站 車費成人$7.8
由如心廣場搭車, 上車後第17個站(錦田公路磚窰站) 落車後向車尾方向行, 同由錦上路鐵路站搭251M落車方法一様。
九巴54元朗(西) > 上村 車費成人$5.0
由元朗(西)總站上車後第26個站(錦田公路磚窰站又即是尾二站)落車, 落車後巴士站後面就係。

如果你於粉嶺或上水搭九巴77K祥華邨 > 元朗(西) 車費成人$7.3, 首先要喺粉錦公路八鄉警署巴士站落車, 落車後向車頭方向先直行跟住轉左繞過警署, 向班馬線方向直行到錦田公路八鄉消防局巴士站搭巴士, 步行約1.5分鐘。
於八鄉消防局巴士站可以搭九巴54或251M車費成人$5.0, 上車後第3個站(錦田公路磚窰站)落車, 落車後巴士站後面就係。
於八鄉消防局巴士站如果見到去大埔紅Van都可以搭 車費$9.0, 同司機講磚窰巴士站或亞積邦個大招牌有落都可以, 1-2分鐘車程。
如果唔搭第二程車由八鄉警署直接行去要行20分鐘左右。

由於上水冇一程車直去, 另一種搭車方法為, 第一程搭九巴276上水總站 > 天慈, 車費成人$8.0, 去到博愛醫院巴士站落車, 跟住喺同一巴士站搭九巴54元朗(西) > 上村 車費成人$5.0。

其實還有64P(和64K一樣),65K(大埔中心上車),77K(粉嶺祥華邨上車)