✔ 最佳答案
你對現實不滿, 都係好正常, 因為E個政府真係好唔肯幫助有殘障既人, 迫D有殘障既人做正常人既嘢, 然後出咗問題就將責任全放進當時人身上, 令人增添很多挫拆, 前路茫茫, 再加上香港實在是個太功利的地方, 人情冷漠, 真係勁冇癮.
但係你駡神都冇用格, 如果祂真的存在, 就唔會有咁多不解既事.
- 你駡上帝, 話佢唔公平, 點解使你先天不足;
- 咁跟住埃賽俄比亞D細路又駡上帝, 話佢唔公平, 點解使佢地日日食垃圾;
- 跟住同性戀者又駡上帝, 話佢唔公平, 點解使佢地天生淨係鍾意同性, 唔可以在香港結婚, 又要抵受社會既歧視同埋傷害;
你明我講乜啦! 我們人類, 幾乎每一個都有隠而不發既辛酸, 人地以為我地好開心, 其實可能已經就快崩潰了.
你想打鑊上帝都冇用, 你駡佢, 佢聽唔到, 你讚佢, 佢睇唔到, 佢唔識出聲, 佢唔識顯現, 又啞又盲又癈, 佢只係一個偶像.
我冇資格話明白你感受, 因為我冇你咁大鑊, 但係唔代表我唔大鑊,
我在0-2歲時, 住啓德機埸附近, 俾D飛到好底既飛機升降聲傷咗聽覺腦神經, 而家我睇電視, 點都有一, 兩成聽唔到, 要睇字幕.
我爸爸好爛賭, 有時又會打我阿媽, 令到我阿媽有段時間short咗, 成日攞把菜刀出黎玩, 所以好我好細個就患咗恐荒症. 宜家有時我都會突然間好驚.
而且我又有輕度既亞氏保加症, 冇咗人類百份之八十既情感, 又有小腦功能不良, 我行路只係半隱, 唔可以爬梯, 如果唔係會成個仆街咁仆落黎, 唔可以去酒樓飲茶, 因為好容易撞到點心車和人.
所以我有好多工種做唔到, 酒樓侍應做唔到, 工程佬又做唔到, SALES又做唔到, 文員? 因為我唔係女人, 冇人肯請, 電腦業曾經好掂, 所以我在大學讀咗個電腦學位, 但係而家電腦業香晒, 我又失業.
我都係個傷殘人仕, 但係政府真係冇咩幫過我, 我經常失業, 失戀, 前路好迷茫, 每次見工, 我要扮作正常人, 扮不來就一定唔請, 返工之後, 如果俾人見到我行路不穩, 或理解唔到人既感受, 好多時又會被炒, 炒咗, 我又揾過. 我知道我慘, 但係E個世界一定有人比我更慘, 佢地一樣掙扎求存, 所以我都要掙扎求存, 我唔可以放棄, 我會用不同途徑, 不同方法去努力, 我深信, 始終有一日, 社會會接受我既努力.
你和我一樣架, 找方法掙扎求存係你唯一可以做既嘢, 神係人做黎既, 倚靠只管空談的上帝不如靠自已雙手, 一起努力吧.
2010-07-13 16:35:28 補充：
致cici:
我都唔信你智商低於平均, 因為從與你傾談期間, 我發覺你能夠一次過消化幾多資訊, 又能夠明白較為抽象的概念, 我壞疑你年少時的智商評估有錯.
在早年, 亞氏保加症的人通常被誤診, 原因如下:
這要由40年代德國開始講起:
因為亞氏保加症約於194X年被奧地利一個名叫亞氏保加的醫生發現, 但當時希特拉為了保持他所謂的優良日耳曼人血統, 殺死了六百萬尤泰人, 跟住佢既目標, 就係殺盡所有帶遺傳病基因的人, 所以亞氏保加為了確保亞症病人不被德軍追殺, 就將此發現保密, 可惜, 到亞氏保加死後, 這些醫療發現就石沉大海.
2010-07-13 16:47:32 補充：
再致cici:
之後, 到了1992年, 亞氏保加的醫療報告才重新面世, 得到承認, 但由於這種病太遲才被知曉, 這就令到一眾80後或以前出世的亞症病人幾乎被全數誤診, 在70-80年代的英國, 亞氏保加症通常被誤診為精神分裂症, 由於診斷錯誤, 又開錯藥, 所以令到這群人雪上加霜, 有些甚至被關進監牢.
至於在香港的70-80年代, 就有很多亞氏保亞症的小朋友被誤診為智力不足, 包括本人在內, 但到我大過的時候再評估, 我的智商竟然有126, 即係話大約有92%的正常人蠢過我, 但為何我年紀還小時, 會被人評為弱智呢?
2010-07-13 16:58:47 補充：
再致cici:
因為患亞士保加症的我思路與別不同, 但一般學校課程是為正常人仕設的, 全都對正常人有很大幫助, 但是對思路與眾不同的我就一點幫助都沒有, 所以我小時候成績極低, 經常攞零雞蛋, 淨係咁樣已經被人覺得我弱智, 跟住做評估, 我因為聽覺有問題, 語言能力發展遲緩, 經常唔知人地想問乜, 點答? 我就係咁樣被人評為弱智.
2010-07-13 17:03:20 補充：
再致cici:
到了中學, 我被編配入一間飛仔學校, 被人打足五年, 在中學二年級時, 我開始發覺到老師的教學法和引導對我全無功效, 所以我開始到市政局圖書館自修另一套學習法, 起初我常被誤解, 老師經常罰我不聽書, 只顧自已自修, 但到了中四, 我終於成功領悟出一種適合自已的學習法, 後來成績突飛猛進, 考進大學.
所以我認為你可能和我一樣, 因為相同的原因, 被人誤診為智力不足, 又由於自小接受全為正常人而設的教育, 不適合你的思維, 令你成績低落, 自信心日漸變差, 依我仔細觀察, 你智能應該唔算差果類.
2010-07-13 17:19:44 補充：
再致cici:
正如愛恩斯坦在小孩時也被評為弱智, 我想原因和我們都是差不多, 但愛恩斯坦後來發明了超級殺人武器 --- 原子彈, 可見他因為亞氏保加症的折磨, 不能被人理解的屈結, 和社會的欺負, 作出了全面的反擊, 原子彈威力驚世, 連好像瘋狗一樣的日本仔也乖乖投降, 間接結束了第二次世界大戰, 但是, 不竟原子彈的面世, 卻為人類的未來帶來烕世程度的威脅.
2010-07-13 17:23:19 補充：
再致cici:
所以我都好擔心cici你會好似愛恩斯坦咁, 因為憤世疾俗, 做出一些難以回頭的事來, 所以無論你現在幾辛苦都好, 都希望你凡事可以三思而後行啦!
不竟, 世上有很多亞症患者最後都能克服種種困難, 過着美滿人生, 如果你有聽我話, 去咗書局揾有關亞斯伯格症(即: 亞氏保加症)既書學習如何適應社會, 我相信你好快就會揾到不少成功見證作參考.
2010-07-13 17:29:38 補充：
再致cici:
至於你所擔心的表達能力不佳, 就更加唔使擔心, 根據英國這方面的專家的研究結論, 亞症患者係可能有語言發展遲緩既情況, 即是你即使成了年, 你的表達能力可能只等於少年程度, 但是隨着閱歷增加, 這些專家又發現亞症病人的表達能力會漸漸提升到和正常人一樣的程度. 一般患者通常到了三十歲左右, 對於本土母語的表達, 就冇大問題, 有患者甚至可以完成劇作碩士課程添, 所以你可能過多幾年就會好好多, 無需擔心.
2010-07-13 17:47:01 補充：
再致cici:
至於你在回應黃諾君小姐時提到自已真的很特殊, 無時無刻都在白日夢, 腦子就是不停的動着動着, 這正是一般亞症患者的情況, 因為對社會適應不良, 生活壓力太大, 你的腦子全自動開了一套心理防預機制, 你壓力越大, 白日夢就越多, 籍着發白日夢宣泄了痛苦情緒, 使心理穩定, 因為白日夢正是潛意識的出口, 可以使你的心理平衡些, 但這種心理防預機制不是萬靈丹, 若繼續過度使用, 會演變成另一些精神障礙, 例如: 偏執型妄想症之類, 所以我都係勸你趁自已還頂得住, 快啲去書局揾有關亞斯伯格症既書睇, 學習點樣適應這個不是為你而設, 但你必需在此掙扎求存的社會,
2010-07-13 17:48:10 補充：
再致cici:
有不少亞症患者都是透過這種自修而成功減壓, 輕鬆應付社會, 過着快樂完滿的人生的, 在英國, 甚至有患者可以當上律師, 外交官等等, 他們都是靠這種自修, 成功克服症狀, 與世界快樂共處, 一般來說, 假若你二十五歲開始努力, 三十五歲之前會成功克服絶大部份障礙. 加油.
