✔ 最佳答案
德國寶窗口式冷氣機話就話到好似係德國牌子,但其實德國寶d野大多數係大陸既格力公司生產,用既全部係格力d機心,不過本人就唔建議您買您呢個牌子。是關唔係部冷氣機嘈與唔嘈既問題,而係德國寶佢本身唔係專利做冷氣機,經驗唔多;另外更有傳聞話德國寶既冷氣機全部都係用格力一d二手野,佢本身係冇廠去整,純粹係「笠殼機」,咁不如買格力牌冷氣機好過,起碼知道自己係買左乜野質素既冷氣機。
至於星塵您所提及既「低嘈音」,其實好多日本名牌子既冷氣機,好似日立同珍寶,都有打著「低嘈音機身設計」既名義去推銷,但其實好多呢類冷氣機都未必真係靜,而且詬病多多。就好似珍寶咁,話就話係「超靜運作」,但好多用過珍寶機既人話珍寶係好嘈,如果裝係房更加係訓唔著。日立既就確實係好靜,但係馬力弱,唔夠涼,除非您部冷氣機係打算裝係中間,如果唔係就唔建議您裝日立。您想係買部又靜又涼既冷氣機,不如買樂聲耐用d有保證,如果嫌貴可以買樂信都得。我間房都用緊樂聲3/4匹窗口機,超靜!
另外,您問有關冷氣機既重量既差異會唔會有唔同既效能,其實都係因個人既需要而定,因為冷氣機個機身重d,一般表面個鋼水都幾好,冇咁易生鏽(舊抵日立d機係重過依家,日立以前d窗口機可以話係公認最耐用);但個機身輕d又會喺冷氣機運作既時候靜d,以及呢類冷氣機內部既透氣會通爽d冇咁易出現機件故障。睇下您間房有乜野既需要,邊樣好真係好難定奪。