我想知自己系咪有抑鬱症?急 help

我自己都有抑鬱焦慮既~19歲咋~
根據醫生俾我既資料~


其實抑鬱症好普遍~當然啦~每個人性格同身體都唔同~都有唔同既變化，好多時患者同家人都唔了解呢個病~以為係自己既問題而唔去睇醫生，遲左就會比較根深柢固，難醫少少~亦有可能容易產生抑鬱既情緒，甚至其他情緒病~我就係一個例子喇!!!。所以如果你懷疑就最好去睇睇~買個安心~除左身體健康，心理健康都好重要架，兩者係相輔相成的，我係患左病之後先發覺呢樣野既重要~



大約黎講，抑鬱症其實好普遍，尤其係一個人情緒不安既時候，你有自覺懷疑已經係好好~有D人連自覺都冇。「抑鬱症」的診斷只係適用於連續四星期或以上都有抑鬱徵狀，而呢D徵狀又會影響到你日常生活既先可以話你患上抑鬱症。


抑鬱症既徵狀有好多~~精神同身體既都有~
首先，
我唔可以否認~
心情煩躁，思想負面，想喊想喊呢D的確係抑鬱症既症狀
但咁並唔可以肯定你就係有呢種情緒病~
第一~
係精神方面:
煩躁，易發脾氣
不安，情緒低落，易喊等等~
思想負面~
個腦不停咁諗住好多唔開心既事
自卑同自責
精神以似集中
覺得做人無意義
**有自殘/自殺傾向**

你係咪有以上既徵狀呢?尤其最尾果項
如果有2-3項~咁你有係咪自己控制唔到，唔知點解架呢?


係身體方面:
頭痛/頭暈
失眠
身體虛弱
心水唔舒服(翳悶或者痛)
心悸
疲倦
多夢(成日晚晚發夢，而家所夢的都會記住)訓醒之後好似冇訓過咁~
無力感(有氣無力或兩者都冇)

你係咪有以上既徵狀呢?
如果有2-3項~咁你有係咪自己控制唔到，唔知點解架呢?


不過你放心 ，其實呢D情緒病可以醫的，而且可以斷尾，我而家就係治療當中~感覺良好


而你而家第一件事要做既就係
1)你會唔會覺得呢D事情係自己控制唔到既~你想控制，但係又不自覺咁做左
2)你覺得點解會有呢個病~導火線係乜?如壓力，自卑內向既性格等等
3)你屋企人都有D類習慣或者曾經有情緒病，包括抑鬱焦慮強迫驚恐症等等，是有關係的，但亦可能屋企人冇，但係自己就有，我就係咁喇
4)你有冇其他焦慮或抑鬱症狀?
5)如果你覺得有咩病徵既，咁你又維持左呢D病徵幾耐呢?係連續性地出現，經常性出現，定係簡唔中一次呢?
6)如果你係連續性出現或經常性出現，而家超過4個星期，你就可以去睇睇私家醫生喇~如果係簡唔中一次就冇問題~可能係壓力大左d，要注意下了~


當然你唔肯定係抑鬱症既，或者可能只係果排壓力大，同埋，焦慮症既病徵同抑鬱症通常都同時出現，好難分到係邊樣，可能兩者皆有亦不奇，但亦都唔可以否定係抑鬱症，我建議去睇睇啦，醫生話你冇事就冇事~有事都算係早發現，去醫啦~一定無事的，因1為呢D情緒病係唔會死人(除左自殺或者有心臟病等長期病患)同埋唔會入青山，唔會變成精神分裂等精神病的!


要睇既話咪去政府呀，一定要去私家，私家D藥會好D~雖然開頭會係貴D(大約400-800啦~我就600既~)~但係一食開藥~再轉去政府就得~政府會照比返呢隻藥你~如果唔係政府通常會開D副作用比較重既藥~


唔好因為價錢貴就唔去睇，如果你真係有懷疑既就一定要去睇，再咁落去可能會嚴重左或者好辛苦，為買個安心買個健康，少少錢就唔好計。


記住除左要注意身體健康，心理健康都要注意呀~因為我都經歷過呢種辛苦階段，我都唔想有人再試我呢種經歷~
祝你好運，身體同心靈健康~^^

其實以上好幾位知識友已經講咗好多意見, 亦講得好好 !

不過, 我想一提既係, 你以上既病徵的確係抑鬱症既病徵, 但其實如果一個人處於唔開心既環境下, 同樣都會有呢d 感覺架 !

所以你要攪清楚一樣野, 就係你有無一d 事令你唔開心呢 ? 以致有以上唔開心既感受呢 ?

eg. 無收入既光景, 又會唔會令你好唔開心呢 ?

1) 如果有, 你要嘗試解決呢d 心結, 解決唔到的話, 可以嘗試揾社工傾下. 睇下幫唔幫到你 !

2) 試下多d 揾朋友或家人傾下心事, 或多d 傾談下. 如果無咩朋友傾到計, 可以試下o係度揾d 知識友傾下. 講下自己感受, 都係一個好好既舒緩情緒既方法嚟架 !

你可能會覺得無人明你, 講嚟無用. 但人地唔係你肚裡條蟲噃, 你唔講, 人地點會明呢 ? 係咪 ? 多d 試下同人講你既唸法同感受啦 !

3) 如果可以的話, 我都見意你去先睇私家醫生, 再由佢寫轉介信俾你去睇政府醫生 !
我睇過一個幾好架. 唔算貴, 亦好好心機幫你, 而且佢會幫d 無收入既人再減醫藥費架 ! 你不如去試下啦 !

朱沛娟醫生
TEL : 2619 0001
新界葵涌葵富嗆7-11 號葵涌廣場2樓C113A鋪 (葵芳地鐵站則)

要先打電話預約架 ! 大約 HKD300- 左右啦 ! 佢係基督徒, 所以佢會收得好平架 ! 因為佢係為咗想幫人. 而且佢可以幫你做轉介俾D 心理輔導架 ! 應該對你會好有幫助.

4) 情緒藥物係屬精神科類, 所以係唔可以自己出去買藥食架 !
而且, 你都未知自己係咪抑鬱症, 又唔知去到咩程度, 更加唔知邊種抑鬱藥岩你食, 點能夠自己去買藥食呢 ??
都係去睇醫生, 由醫生幫你診斷之後, 再等佢開藥俾你啦 !

因為單係抑鬱症, 已經有超過10種不同既藥架啦 !

5) 仲有, 我鼓勵你試下多D 黃昏時去跑下步. 因為運動係有助鬆弛神經, 亦有助令情緒轉好架 !!

如果再有問題, 歡迎你EMAIL 俾我 !

加油呀 !!

係唔係抑X症?

一般來說, 焦慮症, 抑X症, 恐荒症, 强迫症, 定係其他先天精神障礙, 如: 自閉症等, D病徵都係好多相近, 而且有時候, 會同一個人, 同一時間患兩至三種精神病, 即使是很專業的精神科醫生, 也需用一小時的詳談才可穩陣斷症, 而現在你只係詳列你的病徵, 我冇把握話你一定係抑X症, 只係可以話幾大機會係, 同埋仲可能夾雜着其他精神障礙也說不定.

可唔可以自已買抑X藥食?

千祈唔好, 精神科藥物, 係比較其他常見藥物(例如: 傷風藥, 頭痛藥等等)複習得多, 例如有啲抗抑X藥會令到當時人血壓下降, 如果你本身已經血壓低, 食咗會有危險, 所以精神科醫生好多時會幫你量血壓, 來決定治療方法.

再者, 如果你真係有抑X症, 就算淨係俾抑X藥你食, 唔睇醫生, 都唔會好返, 尤其以你個情況, 淨係食抑X藥可以話係冇幫助咁滯, 因為一般抑X藥係能夠緩解由抑X症所引發的胃痛, 胃出血, 周身出疹, 精神及體力衰竭, 周身無厘頭痛楚等等症狀, 但係你都冇E啲病徵, 可是你必須留意, 你冇E啲病徵, 唔代表你一定唔係抑X症. 曾經有患過抑X症的病人形容, 要好返, 藥物只係幫到20%, 靠自已改變想法才是根治此病的80%. 當然, 佢亦不斷有睇醫生, 佢改變想法的意思是循着醫生的專業教導去改變, 不是自已亂想嘢.

如果你真係抑X症, 改變你的人生觀才是治本, 除非係先天抑X症啦, 咁就另作別論, 不過睇你D症狀, 就算係抑X症, 都唔似係先天果隻.

如果真係去睇醫生, 要幾多錢?

你後面仲補多咗句: 「私家診所, 不是精神科.」, 對唔住喇, 你既症狀好明顯, 係精神症狀, 非精神科, 係幫你唔到, 佢地只係可以同你做吓身體檢查, 睇吓身體有冇其他病, 至於精神問題, 普通科幫你唔到架!

精神科醫生有分公家同埋私家, 先講公家:

公家精神科醫生:

例如你去睇公立精神科, 容鳯書健康院之類, 首先你到窗口位登記, 好似要收錢, 又好似唔使, 我都唔記得, 如果真係要收錢, 大概係一百元樓下, 唔會太貴, 會有個精神科護士見你, 同你傾你既病, 例如: 你覺得自已有咩問題? 你咁既情況已經幾耐? 你和那些人同住? 關係怎樣? 你家庭狀況怎樣? 你做開咩職業? .....等等. 跟住個護士會按着你的病情, 排一個期俾你, 可能會快, 可能會慢, 視乎你情況和有幾多人輪候, 有D要排1.5年-2.0年不等, 雖然你有自殺傾向, 但係我都唔知會唔會快小小架.

千祈唔好為咗縮短輪候時間, 就作嘢, 話自已會斬人喎! 如果你話自已會斬乜死人, 咁就梗係快排到啦! 但係落咗個底之後, 醫生會開錯藥俾你食, 到時你仲大獲呀!!! 因為有啲防止人斬人既精神科藥物副作用好大架!!!

當你到期睇醫生既時候, 每睇一次都要俾錢, 大約係$60至$100左右(我又唔記得左幾錢, 我D記憶力可能同你有得揮!! 笑!), 第一次會見你一個鐘頭左右, 目的主要係斷症, 跟住會再約你睇第二次, 第二次睇完又會約你睇第三次, 如此類推, 由第二次開始, 個醫生每次會見你5至25分鐘不等, 如果個醫生覺得你病情唔嚴重, 可能每四個月先叫你覆診一次, 至於每次見幾多時間, 是乎醫院當時的繁忙程度而定, 阿爺果牌有冇批足夠錢落黎亦係關鍵, 如果果牌多精神病既事故而死得人多, 再加上有關團體遊行, 咁樣政府就會批多D錢俾醫院, 醫院就會有多D錢請醫生做嘢, 每次覆診可能有25分鐘, 如果政府果牌縮皮, 咁就可能得返5分鐘. 可能有藥食, 亦可能冇, 視乎個別病患者需要而定, 但係啲藥可能要自已俾錢, 如果啲藥太貴, 負擔不來, 就要向社署求助.

私家精神科醫生:

要睇即刻有得睇, 通常係一至兩日前預約, 但唔使排期.

有平有貴, 平既300蚊一次, 貴既3000蚊一次, 300蚊果隻呢! 我都唔清楚佢點解可以咁平, 至於中中地既, 大約係700-1000蚊一次 (包葯). 順便講埋中中地果隻既運作模式, 通常係第一次醫生見你一粒鐘, 目的係斷症, 收1000-1200蚊左右, 之後每次700-800蚊左右, 每次同個醫生傾25分鐘左右. 至於係每星期睇一次, 定係每個月睇一次, 視乎病情而定, 一般係頭果幾次就每星期睇一次, 之後病情有進展就會變成兩星期睇一次, 如果病情再有進展, 就會三星期見一次, 或四星期見一次, 但係唔會好似公立咁, 成四個月先叫你覆診一次, 亦唔會好似公立咁, 政府有錢批落黎就見你25分鐘, 冇既就5分鐘, 私家醫生另外有個好處就係佢對你既病歷會寫得非常詳盡, 而且通常每次睇醫生, 佢都會記得你之前既事, 既刻就可以同你講點樣醫你,




2010-07-11 20:28:58 補充：
字太多, 雅虎唔俾我補充, 我在意見欄內繼續寫.

2010-07-11 20:30:00 補充：
私家又咁貴, 公家排期又咁耐, 又咁流, 點算?

求先咪講到病人可以靠自我努力來增進療效既! 你而家可以做既係揾一D關於抑X症或精神病既書睇, 你最主要要探索究竟你有乜嘢想法導致你有這些病狀, 然後試圖改變自已的想法和人生觀, 一邊在公立醫院登記排期(如果你覺得私家醫生太貴的話), 一邊自修解決方法, 同時由於你有自殺傾向, 建議你找社工或防止自殺會求助, 現時的社會工作者已經好專業, 有好多社工已經有碩士學歷, 佢地絶對有能力在你排期未到前幫你一把, 徝着輔導解決你不少情緒問題.

我同你的境況差不多，在零收入之下，根本什麼都做不到，於是只好在網上搜尋一些可以自救的方法，但去到底都是找不到，在無助兼失望下，我找到一個非牟利的團體，只好發電郵查問一些資料，由於有情緒問題的不是我，但我卻寧願是自己好了，他們的收費是因應家庭收入而定的，而且跟外面的收費作比較，他們絕對是「便宜」了，雖然沒有收入，但我都決定去試一試，就算要借我都要借回來，去醫治小女的問題，你不妨在yahoo搜尋一下，只要你打入「催眠治療」，你就會可以搵到資料。以你所說的情形來說，你已經出現了有自殺的念頭，你應該盡快去做評估，看看自己是什麼問題，因為很多情緒病的病徵是很相似的，我初時以為小女是抑鬱症，但做了評估之後原來是廣泛焦慮症，情緒病除了要找專業人仕幫忙之外，自己的信心也是一劑很好的良藥。事不宜遲啦！我祝你早日康復。

2010-07-11 19:50:06 補充：
抑鬱藥以我所知是受管制的，千萬不可亂服，而且你自己都未知自己是否真的是抑鬱症，我在網上搜尋得知，這些藥如果隨便亂食，是有可能食上癮的。所以千萬不可亂來。政府精神科，第一次是一百元，以後每次是六十元，但政府醫院要排很長時間，而且他們的醫生真係好「求其」，至於私家醫生咁就貴啦，大約一千至千二一小時左右啦，我都是在網上搵的，可能會有出入。

看中醫及針灸 逍遙散

http://www.cbnhongkong.org/sitea/modules/tinyd3/
輔導服務


福音輔導熱線


接聽來電者心聲抒緩情緒、壓力等困擾必要時會轉介合適機構跟進透過禱告，用神的話語領人歸主，並轉介教會牧養協助尋找新的希望、方向和建立人生目標熱線電話 3188 3803

手機SMS短訊祝福


網絡範圍遠及澳門、廣東省南部等地藉著聖經的話語，把安慰和祝福送上短訊號碼131-438-95508

電郵關懷分享


透過互聯網，提供跨地域之關懷和福音分享協助解答人生和信仰等問題為來電郵者代禱電郵地址 [email protected]

2010-07-11 14:19:48 補充：
願主醫治你

去睇e生,精神科e生